හෝමාගම ප්රදේශයේ ඉදිකරමින් පවතින විකල්ප මාර්ගය මත දමා ගොස් තිබූ තරුණයෙකුගේ මළ සිරුරක් අද (10) උදෑසන සොයාගෙන ඇති අතර, එය වෙනත් ස්ථානයක සිදුකළ ඝාතනයක් බවට පොලීසිය සැක පහළ කරයි.
මෙලෙස මියගොස් ඇත්තේ වයස අවුරුදු 35ක පමණ පුද්ගලයෙකු බවට අනාවරණය වී තිබේ. මළ සිරුර පරීක්ෂා කිරීමේදී, ඔහුගේ හිසට ආයුධයකින් පහරදීමක් නිසා සිදුවූ බවට සැක කෙරෙන තුවාලයක්
දක්නට ලැබුණු බව පොලිස් ආරංචි මාර්ග සඳහන් කරයි. ඊට අමතරව, ගෙල ප්රදේශය ඉදිමී තිබූ අතර, එම ස්ථානය ආසන්නයේ ලේ පැල්ලමක්ද නිරීක්ෂණය වී ඇත.
මළ සිරුර හමුවූ විකල්ප මාර්ගය මෙතෙක් මහජන භාවිතය සඳහා විවෘත කර නොමැති අතර,
රාත්රී කාලයට එම ප්රදේශය දැඩි අඳුරකින් වැසී පවතින බවට තොරතුරු වාර්තා වේ. මෙම තත්ත්වය උපයෝගී කරගනිමින්, අපරාධකරුවන් විසින් තරුණයා වෙනත් තැනකදී ඝාතනය කර, ඔහුගේ සිරුර වාහනයකින් ගෙනැවිත් මෙම පාළු ස්ථානයේ දමා යන්නට ඇති බවට පොලීසිය ප්රබල සැකයක් පළ කරයි.
සිද්ධිය සම්බන්ධයෙන් නුගේගොඩ කොට්ඨාස අපරාධ ස්ථාන පරීක්ෂණ නිලධාරීන් විසින් මූලික විමර්ශන ආරම්භ කර තිබේ. හෝමාගම මූලස්ථාන පොලීසිය විසින් මෙම අභිරහස් මරණය පිළිබඳව පුළුල් පරීක්ෂණයක් ක්රියාත්මක කරනු ලබයි.
Comments
Post a Comment
Your comment will be visible after approval