a-person-who-was-painting-at-kandy-hospital-fell-and-died

 මහනුවර මහ රෝහල් පරිශ්‍රයේ ඉදිකිරීමක පින්තාරු කටයුතුවල නිරතව සිටි 71 හැවිරිදි පුද්ගලයෙකු එහි තෙවැනි මහලෙන් ඇද වැටීමෙන් ජීවිතක්ෂයට පත්ව තිබේ.



මෙලෙස මරණයට පත්ව ඇත්තේ හාරිස්පත්තුව ප්‍රදේශයේ පදිංචිකරුවෙකු වන අතර, මෙම අවාසනාවන්ත සිදුවීම ඊයේ (12) දින සවස් භාගයේදී ඔහු සේවයේ නිරතව සිටියදී සිදුව ඇති බව වාර්තා වේ.

අනතුරින් බරපතළ තුවාල ලැබූ මෙම පුද්ගලයාව වහාම මහනුවර මහ රෝහලේ හදිසි ප්‍රතිකාර ඒකකයට ඇතුළත් කර ඇති නමුත්, ප්‍රතිකාර ලබමින් සිටියදී ඔහු මියගොස් ඇති බව රෝහල් ආරංචි මාර්ග සඳහන් කරයි.



ලැබුණු තොරතුරක් මත ක්‍රියාත්මක වූ මහනුවර පොලීසිය සිද්ධිය සම්බන්ධයෙන් පරීක්ෂණයක් ආරම්භ කර තිබේ. මියගිය පුද්ගලයාගේ මෘත දේහය පශ්චාත් මරණ පරීක්ෂණ කටයුතු සඳහා මහනුවර රෝහලේ මෘත ශරීරාගාරයේ තබා ඇති අතර, සිද්ධිය පිළිබඳ වැඩිදුර විමර්ශන ක්‍රියාත්මකයි.