'ශේඩ් ඔෆ් ප්‍රෝකෙයා' නමින් ඔන්ලයින් රැකියා දෙනවැයි කෝටි ගණනින් රැවටූ මංජුල අමිල හා සන්ධ්‍යා රිමාන්ඩ්

කොළඹ ප්‍රධාන මහේස්ත්‍රාත් තනුජා ලක්මාලි මහත්මියගේ නියෝගය පරිදි, 'ශේඩ් ඔෆ් ප්‍රෝකෙයා' නමැති ආයතනය මගින් ඔන්ලයින් රැකියා ලබා දෙන බව පවසමින් කෝටි 1000කට අධික මුදලක් වංචා කිරීමේ චෝදනාවට ලක්ව සිටින එම ආයතනයේ ප්‍රධාන අධ්‍යක්ෂ මහාචාර්ය මංජුල රණසිංහ සහ ප්‍රධාන විධායක අමිල විරාජ් ගලප්පත්ති යන දෙදෙනා ජූනි 12 වන දින දක්වා තවදුරටත් රක්ෂිත බන්ධනාගාරගත කිරීමට ඊයේ (2) නියෝග කරන ලදි.

මෙම සිද්ධියට අදාළව තුන්වැනි සැකකාරිය ලෙස හඳුනාගත් එම ආයතනයේ අධ්‍යක්ෂවරිය සහ ලේකම්වරිය වන සිරිමල්දුරුවලාගේ සංධ්‍යා නමැති කාන්තාව, මිලියන 5 බැගින් වූ ශරීර ඇපකරුවන් 5 දෙනෙකු ඉදිරිපත් කිරීමෙන් අනතුරුව මුදා හැරීමට ද අධිකරණය නියෝග කර ඇත.

අපරාධ පරීක්ෂණ දෙපාර්තමේන්තුවේ මූල්‍ය අපරාධ විමර්ශන ඒකකය විසින් මෙම සැකකරුවන් අධිකරණයට ඉදිරිපත් කිරීමෙන් අනතුරුව මෙම නියෝග නිකුත් කරන ලදි. සිද්ධියට අදාළ පළමුවැනි සැකකරු වන අමිල විරාජ් නමැති ම

ෙම ආයතනයේ ප්‍රධාන විධායක නිලධාරියා මීට පෙර මෙම මසයේ 19 වැනි දින අධිකරණයට ඉදිරිපත් කිරීමෙන් අනතුරුව රක්ෂිත බන්ධනාගාරගත කර තිබුණි.

අපරාධ පරීක්ෂණ දෙපාර්තමේන්තුව වෙනුවෙන් අධිකරණයට පැමිණි නිලධාරීන් සඳහන් කළේ, 'ශේඩ් ඔෆ් ප්‍රෝකෙයා' ආයතනය විසින් ඔන්ලයින් ක්‍රමය හරහා රැකියා අවස්ථා ලබා දෙන බව පවසමින් එක් අයදුම්කරුවෙකුගෙන් රුපියල් 21,500 බැගින් මුදල් අය කරගෙන ඇති බවයි. මෙලෙස ලක්ෂ 5ක් පමණ අයදුම්කරුවන්ගෙන් මුදල් ලබාගෙන ඇති අතර, එම සංඛ්‍යාව සම්පූර්ණ වූ පසු රැකියා ලබා දෙන බවට පොරොන්දු වී ඇත. මෙම වංචනික ක්‍රියාව සඳහා විවිධ මාධ්‍ය ඔස්සේ ප්‍රචාරණ කටයුතු සිදු කරමින් ජනතාව නොමග යවා ඇති බවද අධිකරණයට වාර්තා කරන ලදි.

මෙම වංචාව තුළින් ආයතනය විසින් ක

ෝටි 1000කට අධික මුදලක් වංචා කර ඇති බවට සැක කෙරෙන අතර, මූල්‍ය අපරාධ විමර්ශන ඒකකය විසින් මෙම සිද්ධිය සම්බන්ධයෙන් පුළුල් පරීක්ෂණයක් ආරම්භ කර ඇත. මෙම පරීක්ෂණ තවදුරටත් සිදු කරමින් පවතින බැවින්, ප්‍රධාන සැකකරුවන් දෙදෙනා රිමාන්ඩ් භාරයේ තබා ගැනීමට අධිකරණය තීරණය කර ඇති අතර, මෙම වංචාවෙන් පීඩාවට පත් වූ පුද්ගලයින්ට සාධාරණය ඉටු කිරීම සඳහා නීතිමය පියවර ගැනීම තවදුරටත් සිදු කෙරෙනු ඇත.