සිංගප්පූරුවේ මංගල උත්සවයකින් ඩොලර් 50,000 තෑගි සල්ලි කවර සොරාගත් අයකු වසරක් හිරේ

සිංගප්පූරුවේ අලුත විවාපත් නවදම්පතියකගේ සතුට කම්පාවට හැරුණේ සොරෙකු ඔවුන්ගේ මංගල උත්සවයේ මුදල් තෑගි ලැබූ රතු කවර රැගෙන පලා යාමත් සමඟය. එම රතු කවරවල වටිනාකම සිංගප්පූරු ඩොලර් 50,000ක් (ශ්‍රී ලංකා රුපියල් ලක්ෂ 117ක්) පමණ විය.

වරදකරු වූ ලී යි වෙයි, මුදල් සූදුවේ නිරත වී සොරකම් කළ මුදල් නාස්ති කර ඇති අතර, ඔහු අත්අඩංගුවට පත්ව අධිකරණයට ගෙනා අඟහරුවාදා වසරක සිර දඬුවමකට යටත් කරන්නට හා විවාහක දම්පතියන්ට වන්දි ගෙවීමටද නියම කරන ලදී. ඔහුට මුදල් ආපසු ගෙවීමට නොහැකි නම්, ඔහුගේ සිර දඬුවම තව දින 100කින් දීර්ඝ කරනු ඇත.
අධිකරණයේදී අනාවරණය වූයේ අවුරුදු 36ක් වයසැති ලී, මංගල උත්සවය පැවැත්වූ හෝටලයේ සේවකයෙකු ලෙස කලක් සේවය කර එහි වේටර සේවය කර ඇති අතර, එහි මේසවල පිහිටීම පිළිබඳව හොඳින් දැන සිටි බවය.



සිංගප්පූරුවේ මංගල උත්සව අමුත්තන් සාමාන්‍යයෙන් නවදම්පතියන්ට මුදල් ලබා දෙන්නේ, සාමාන්‍යයෙන් රතු කවරවල, යහපත් වාසනාවේ සංකේතයක් ලෙසයි.

මෙම කවර සාමාන්‍යයෙන් විශාල පෙට්ටිවල බහාලනු ලැබේ. මෙම පෙට්ටි මංගල ශාලාවට ඇතුළු වීමට පෙර අමුත්තන් ගමන් කරන තැන පැහැදිලිව සලකුණු කර ඇති මේසයක තබා ඇත.

අප්‍රේල් මාසයේ පැවැති මංගල උත්සවයට ආරාධනා නොකළ අමුත්තෙකු වූ ලී, එවැනි පෙට්ටි දෙකක් නිරීක්ෂණය නොකළ අවස්ථාවක රැගෙන ගොස් තිබේ. පෙට්ටි අතුරුදහන් වී ඇති බව තේරුම් ගත් මංගල උත්සව සංවිධායකවරයා පොලිසියට පැමිණිලි කර කැමරා දර්ශන ඔස්සේ සැකකරු හඳුනාගෙන ඇත.



ලී, සොරකමෙන් පසු ඇඳුම් සඳහා ඩොලර් සිය ගණනක් වියදම් කර ඇති බවත්, පැය හතරක් තුළ සිංගප්පූරු ඩොලර් 12,200ක් සූදුවේ නිරත වී නාස්ති කර ඇති බවත් අධිකරණයට අසන්නට ලැබුණි.

ඉන්පසුව ඔහු සිය කොල්ලයෙන් වැඩි කොටසක් ඔන්ලයින් සූදු ක්‍රෙඩිට් බවට පත් කර දින තුනක් තුළ එම ක්‍රෙඩිට් සමඟ ඔට්ටු 195ක් ද තබා ඇත.

දින කිහිපයකට පසු ඔහු අත්අඩංගුවට ගත් විට, ඔහු සතුව සොරකම් කළ මුදලින් තිබුනේ සිංගප්පූරු ඩොලර් 3,000ක් පමණක් බව පොලිසිය වාර්තා කර තිබුණි.

සිංගප්පූරුවේ, විවාහ වන නවදම්පතියන්ට රතු කවර තෑගි කිරීමේ භාවිතය මෑත වසරවලදී වෙනස්වී ඇත.කොපමණ මුදලක් දිය යුතුද යන්න වැනි නොකී නීති මගින් හැඩගස්වා ඇති අතර, සමහර දම්පතින් එය මංගල උත්සවය සඳහා ගෙවීමට උපකාර කිරීමේ ක්‍රමයක් ලෙසද දකිති.

උත්සවය පවත්වන ස්ථානය හා කාලය අනුව කොපමණ දිය යුතුද යන්න පිළිබඳ තොරතුරු සපයන මාර්ගගත මාර්ගෝපදේශ වාර්ෂිකව ප්‍රකාශයට පත් කර යාවත්කාලීන කරන බවද වාර්තාවේ.