මෙරට සෞඛ්ය පද්ධතියේ භාවිතයට ගන්නා ඖෂධ හා වෛද්ය උපකරණ 12000කට වැඩි ජාතික ලැයිස්තුව සකස් කරන බව සෞඛ්ය හා ජනමාධ්ය නියෝජ්ය ඇමැති වෛද්ය හංසක විජේමුණි මහතා පැවසීය. රෝහල් මට්ටමින් එක් එක් අංශ ගත් විට ඒ ඒ අංශවලට අවශ්ය ඖෂධ වර්ග තෝරාගෙන ඖෂධ 860ක පමණ සහ ශල්ය උපකරණ
12,000ක් පමණ වන ජාතික ලැයිස්තුව සකස් කරන බවත්, ඒ සියල්ල විශේෂඥ වෛද්යවරුන්ගේ විද්යායතනවලින් විමසා මාර්ගෝපදේශයන්ට අනුව නම් කරන ලද ඖෂධ ලැයිස්තුවට ඇතුළත් කර තිබෙන බවත් නියෝජ්ය ඇමැතිවරයා පැවසීය.කොළඹ ජාතික රෝහලේ ස්නායු ශල්ය අංශයේ ශ්රවණාගාරයේ පැවැති වෛද්ය සැපයීම් දේශීයව මිල දී ගැනීම් සම්බන්ධව දැනුම්වත් කිරීමේ එක්දින වැඩමුළුවට සහභාගි වෙමින් නියෝජ්ය ඇමැතිවරයා මේ බව කියා සිටියේය.
මේ ජාතික ලැයිස්තුවට එහා ගොස් ඇතැම් විශේෂඥ වෛද්යවරු සහ වෛද්යවරුන් ඖෂධ නිර්දේශ කරන්නේ යැයි ද, එම ඖෂධ ජාතික ලැයිස්තුවේ නොමැතිවීම හේතුවෙන් අදාළ ඖෂධ ද, ඖෂධ හිඟය පැත්තට ගැනෙන හෙයින් ඖෂධ හිඟය පිළිබඳ ගැටලුවේ දී එයත් ප්රධාන ගැටලුවක් වන්නේ යැයි ද නියෝජ්ය ඇමැතිවරයා කීය.
පෞද්ගලික අංශයේ ඖෂධ සඳහා මිල නියාමනයක් මේ වන විට නොමැති බව පෙන්වා දුන් නියෝජ්ය අමාත්යවරයා වත්මන් රජය බලයට පත්වීමෙන් පසු ඖෂධ මිල නියාමන යන්ත්රණයක් සකස් කරමින් සිටින බවත්, ඉදිරියේදී පෞද්ගලික ඔසුසල්වල ඖෂධ ද මිල නියාමනයකට ලක් කරන බවත් පැවසීය.
මේ ක්රියාවලිය ක්රියාවට නැංවීමෙන් පසුව ප්රාදේශීය මිල දී ගැනීමේ ක්රියාවලියට ද පහසුවක් වන බව නියෝජ්ය ඇමැතිවරයා ප්රකාශ කළේය.
Comments
Post a Comment
Your comment will be visible after approval