වෙන්නප්පුව ප්රදේශයේදී අද (14) පෙරවරුවේ සිදු වූ මාරාන්තික රිය අනතුරක් හේතුවෙන් යතුරුපැදිකරුවෙකු ජීවිතක්ෂයට පත්ව ඇති අතර, අනතුරට සම්බන්ධ වාහනය පුත්තලම දිස්ත්රික් ජාතික ජන බලවේගයේ පාර්ලිමේන්තු මන්ත්රී මොහොමඩ් ෆයිසාල් මහතාට අයත් බව තහවුරු වී තිබේ.
පොලිස් වාර්තා අනුව, කොස්වත්ත, හාල්දඩුවන ප්රදේශයේදී සිදු වූ මෙම අනතුර වාහනයේ රියදුරු වූ මන්ත්රීවරයාගේ සහෝදරයාට නින්ද යෑම හේතුවෙන් සිදු වී ඇති බව හෙළි වී තිබේ. මෙම අවාසනාවන්ත සිදුවීමෙන් වෙන්නප්පුව පතහවත්ත ප්රදේශයේ පදිංචි 65 හැවිරිදි පුද්ගලයෙකු මිය ගොස් ඇත.
සිදුවීම සම්බන්ධයෙන් වැඩිදුර විස්තර අනාවරණය වන්නේ මන්ත්රීවරයා අද පෙරවරුවේ පැවැත්වෙන විශේෂ පාර්ලිමේන්තු සභා වාරයට සහභාගී වීමට යමින් සිටි අවස්ථාවක මෙම අනතුර සිදු වී ඇති බවයි. වාහනය මාර්ගයෙන් ඉවතට පැන ප්රතිවිරුද්ධ දිශාවෙන් පැමිණි යතුරුපැදිය හා ගැටීමෙන් මෙම අනතුර සිදු වී තිබේ.
වෙන්නප්පුව පොලිසිය විසින් අනතුරට සම්බන්ධ වාහනයේ රියදුරු වූ මන්ත්රීවරයාගේ සහෝදරයා අත්අඩංගුවට ගෙන ඇති අතර, කොස්වත්ත පොලිසිය මෙම සිද්ධිය සම්බන්ධයෙන් වැඩිදුර විමර්ශන සිදු කරමින් සිටී.
මෙම සිදුවීම සම්බන්ධයෙන් වැඩිදුර පරීක්ෂණ පැවැත්වෙන අතර, අධිකරණ ක්රියාමාර්ග සඳහා අවශ්ය සාක්ෂි රැස් කිරීමේ කටයුතු පොලිසිය විසින් සිදු කරමින් පවතී. මියගිය පුද්ගලයාගේ මෘත දේහය වෙන්නප්පුව රෝහලේ මෘත ශරීරාගාරයේ තැන්පත් කර ඇති අතර, මරණ පරීක්ෂණය පැවැත්වීමෙන් අනතුරුව මළසිරුර ඥාතීන් වෙත භාර දෙනු ඇත.
Comments
Post a Comment
Your comment will be visible after approval