පන්විල පොලිස් වසමේ හුළුගඟ බැද්දේගම මාර්ගයේ සිදුවූ දරුණු රිය අනතුරක් හේතුවෙන් මොරගහ ඔයට වැටී අතුරුදන්ව සිටි ජීප් රථයේ රියැදුරුගේ මළ සිරුර ජනවාරි 20 වන දින පෙරවරුවේදී හමු වී ඇත. මෙම අනතුරින් විශ්රාමික විදුහල්පතිවරයෙකු සහ ඔහුගේ බිරිඳ ද ජීවිතක්ෂයට පත්ව ඇති අතර, තවත් පුද්ගලයන් දෙදෙනෙකු බරපතල තුවාල ලබා ඇත.
පන්විල පොලීසිය විසින් වාර්තා කරන ආකාරයට, ප්රාඩෝ වර්ගයේ ජීප් රථය මාර්ගයෙන් පිටතට විසි වී අඩි 300ක පමණ ගැඹුරු බෑවුමක් ඔස්සේ මොරගහ ඔයට පෙරළී ගොස් ඇත. මෙම අනතුරෙන් බැද්දේගම තවලම්තැන්නේ පදිංචි හැවිරිදි 82ක් වූ විශ්රාමික විදුහල්පති කපුරුකැටියේ ප්රේමසුන්දර මහතා සහ ඔහුගේ බිරිඳ වන හැවිරිදි 77ක් වූ ආර්.ජී. කරුණාවතී මහත්මිය (විශ්රාමික ගුරු මාතාව) සිද්ධිස්ථානයේදීම ජීවිතක්ෂයට පත්ව තිබේ.
අනතුරින් බරපතල තුවාල ලැබූ තවත් දෙදෙනෙකු මහනුවර ජාතික රෝහලට ඇතුළත් කර ප්රතිකාර ලබා දෙමින් සිටින බව පොලීසිය පවසයි.
මුල් අවස්ථාවේදී අතුරුදන්ව සිටි රියදුරු ගැමුණු හරිශ්චන්ද්ර මහතා මියගිය ගුරු යුවළගේ ඥාතියෙකු බව හඳුනාගෙන ඇත.
පොලීසිය, නාවික හමුදාව සහ ප්රදේශවාසීන්ගේ දායකත්වයෙන් සිදු කළ සෝදිසි මෙහෙයුමකදී, රියදුරුගේ මළ සිරුර ජීප් රථය තිබූ ස්ථානයේ සිට අඩි 200ක් පමණ පහළින් සොයා ගැනීමට හැකි වී තිබේ. අනතුර සිදුවූ අවස්ථාවේදී රියදුරු රථයෙන් විසි වී මොරගහ ඔයට වැටී ඇති බවට මුල් අවස්ථාවේ පැවති සැකය මෙම සොයා ගැනීමත් සමඟ තහවුරු වී ඇත.
තෙල්දෙණිය කොට්ඨාස භාර ජ්යෙෂ්ඨ පොලිස් අධිකාරි නීතිඥ රොෂාන් අමරසිංහ මහතාගේ මෙහෙයවීම යටතේ පන්විල පොලීසිය මෙම අනතුර සම්බන්ධයෙන් වැඩිදුර පරීක්ෂණ පවත්වමින් සිටී. මෙම පරීක්ෂණ මගින් අනතුරට හේතු වූ සාධක සහ අනතුර සිදුවූ ආකාරය පිළිබඳව වැඩිදුර තොරතුරු අනාවරණය කර ගැනීමට අපේක්ෂා කෙරේ.
සම්බන්ධිත පෙර ලිපිය
පන්විල හුළුගඟට පෙරළුණු ප්රාඩෝ රථයේ අනතුරින් විශ්රාමික අධ්යාපනඥ යුවළක් මරුට
Comments
Post a Comment
Your comment will be visible after approval