මේ වනවිට ඊශ්රයාලය හා හිස්බුල්ලා සංවිධානය අතර සටන් විරාම කාලයක් ප්රකාශයට පත්ව තිබුණද ජනතාව එය විශ්වාස කිරීමට මැළිකමක් දක්වන බව විදෙස් මාධ්ය අවධාරණය කරයි.
ඊශ්රායල-ලෙබනන මායිමේ පිහිටි කිබුට්ස් මල්කියා ගම්මානය ජනශූන්යව පවතී. වසරකට පෙර හිස්බුල්ලා සංවිධානයේ ප්රහාර හේතුවෙන් පලා ගිය ප්රදේශවාසීහු තවමත් නැවත පැමිණීමට මැලිකමක් දක්වති.
ඊශ්රායල රජය සහ හිස්බුල්ලා සංවිධානය අතර ඇතිකර ගත් සටන් විරාම ගිවිසුම යටතේ උතුරු ඊශ්රායලයේ ජනතාවට නැවත පදිංචියට ඉඩ ලබා දී ඇතත්, බොහෝ දෙනෙකු එය ප්රතික්ෂේප කර තිබේ.
"හිස්බුල්ලා සංවිධානය ඕනෑම මොහොතක නැවත මායිමට එන්න පුළුවන්. එතකොට අපිව ආරක්ෂා කරන්නේ කවුද?" යනුවෙන් කිබුට්ස් හි සිවිල් ආරක්ෂක කණ්ඩායමේ සාමාජිකයෙකු වන ඩීන් ස්වීට්ලෑන්ඩ් ප්රශ්න කරයි.
පසුගිය වසරේ ඔක්තෝබර් 8 වැනිදා හමාස් සංවිධානයට සහය දක්වමින් හිස්බුල්ලා විසින් එල්ල කළ ප්රහාර හේතුවෙන් උතුරු ඊශ්රායලයෙන් 45,000ක් පමණ ජනතාවක් ඉවත් විය.
දින 60ක මූලික සටන් විරාම කාලය තුළ හිස්බුල්ලා සංවිධානය දකුණු ලෙබනනයෙන් සිය සන්නද්ධ පැවැත්ම ඉවත් කළ යුතු අතර, එක්සත් ජාතීන්ගේ සාම සාධක හමුදාව සහ ලෙබනන හමුදාව විසින් ඔවුන්ගේ නැවත පැමිණීම වැළැක්විය යුතුය.
කෙසේ වෙතත්, බොහෝ උතුරු ඊශ්රායල වැසියන් මෙම සාමය පවතිනු ඇතැයි විශ්වාස නොකරති. "රජය කියනවා නම් හිස්බුල්ලා අක්රීය කරලා කියලා, ඒක සම්පූර්ණ බොරුවක්," යැයි දරුවන් තිදෙනෙකු සමඟ මල්කියා හැර ගිය සාරා ගෝල්ඩ් පැවසුවාය.
ලෙබනන-සිරියා මායිමේ පිහිටි කිබුට්ස් මනාරා ගම්මානයේ ගොඩනැගිලිවලින් තුනෙන් දෙකකට වඩා හානි සිදු වී ඇත.
එහි උපත ලැබූ වයස 58ක් වන ඔර්නා වෙයින්බර්ග් පවසන්නේ සටන් විරාමය ගම්මානය ආරක්ෂා කරනු ඇත්දැයි කීමට තවම කල් වැඩි බවයි.
වසරක කාලයක් තිස්සේ වෙනත් ප්රදේශවල පදිංචිව සිටි ජනතාව නැවත මායිම් ගම්මානවලට පැමිණීමට උනන්දුවක් නොදක්වති. පාසල් ළමුන් නැවත ලැබෙනු ඇත්දැයි ගැටලුවක්ව පවතින අතර, රජයේ නවාතැන් දීමනා නතර වන තුරු ඔවුන් ආපසු නොපැමිණෙනු ඇතැයි බලාපොරොත්තු වේ.
Comments
Post a Comment
Your comment will be visible after approval