"අහනව බලනවා මේ අපි කවුරුද" - සේනක බටගොඩ සමුගනී

ප්‍රවීණ ගායන ශිල්පී සේනක බටගොඩ අභාවප්‍රාප්ත වී තිබේ. මිය යන විට ඔහු 66 වන වියේ පසු විය.
‘අපි කවුරු ද’, ‘අපි සැනසිල්ලේ’, ‘රස්තා’, ‘අළු යට ගිනි’, ‘හීනවලට පණක් තිබෙනවා’, ‘හොඳ ම දේ’ හා ‘සැනසෙන්නම්’ යන ගීතයන් සේනක බටගොඩගේ නිර්මාණ වේ. දක්ෂ ගිටාර් වාදන ශිල්පියෙකු ද වූ ඔහුට පළමු වෘතාන්ත චිත්‍රපට පසුබිම් ගායන අවස්ථාව ලැබුණේ CineMa චිත්‍රපටිය හරහාය .

ඔහුගේ අතිශය ජනප්‍රිය ගීත සම්බන්ධයෙන් පසුගිය අප්‍රෙල් මාසයේදී කොළඹ වාණිජ මහාධිකරණය විසින් වාරණ නියෝගයක් නිකුත් කර තිබුනේ සංගීතවේදී ජනත් කුලතිලක බුද්ධිමය දේපළ පනත යටතේ ගොනු කළ පැමිණිල්ලක් නිසාය. මිලියන 100 ක උපරිම වන්දියක් ද ඔහුගෙන් ඉල්ලා තිබුණි. මේ නඩුකටයුතු හේතුවෙන් බටගොඩ මහතා සිත්තැවුලෙන් සිටියේය.රෝගී තත්ත්වයක් නිසා රාගම රෝහලේ ප්‍රතිකාර ලබමින් සිටියදී මෙලෙස මියගොස් තිබේ.

 සී සී කඩ විසිරුණු සිතිවිලි
දිය බුබුලේ නලියන පෙණ කැටි වාගේ නැතිවැ
හුදකලාවෙ තනිවී සිටියම
සිහින ආකරේ ට වැටුනා වගේ නිමක් නෑ

මොහොතින් මොහොතට ගෙවෙනා කාලය
දැනෙනවා කාටත් එක විදියට
ගිනියම් ඉර සඳ සිසිලස
අතරේ හොයනව හොයනවා මේ අපි කවුරුද
ගී යකි ලොව සිතුවම් කල
අතරේ අහනව බලනවා මේ අපි කවුරුද

ඉර බැස යන ගොම්මන් යාමේ
තරු එක දෙක දිලිසෙන කළු ආකාසේ හෝ
ගලා හැලෙන රිද්මේ නැහැවී
ඇදි යන්නෙ ඈතින් ඈතට පාවී සුලග සේ