පන්ති මඟ­හැර ඒත්තු­කාල වෙරළ උද්‍යා­නයේ රැඳී සිටි තරුණ තරු­ණි­යන්ට අව­වාද කර මවු­පි­යන්ට භාර දෙයි

උප­කා­රක පන්ති­ව­ලට සහ­භාගි වන බවට නිවෙ­ස්ව­ලට පවසා මීග­මුව ඒත්තු­කාල වෙරළ උද්‍යා­නයේ අනා­ර­ක්ෂිත ස්ථාන­වල රැඳී සිටි තරුණ තරු­ණි­යන් පිරි­සක් පොලි­සි­යට කැඳ­වා­ගෙන විත් අව­වාද කර මවු­පි­යන් වෙත භාර දීමට මීග­මුව කොට්ඨාස ළමා හා කාන්තා කාර්යාං­ශය 2 දින කට­යුතු කර ඇත.

උප­කා­රක පන්ති­ව­ලට සහ­භාගි වන දූ දරු­වන් මෙන්ම පාසල් සිසු සිසු­වි­යන් ද පන්ති­ව­ලට සහ­භාගි නොවී වෙරළ උද්‍යා­න­යට පැමිණ කාලය ගත කරන බවට ලද තොර­තුරු මත මීග­මුව කොට්ඨා­සයේ ළමා හා කාන්තා කර්යාං­ශය සහ මීග­මුව පොලි­සියේ ළමා හා කාන්තා කර්යාං­ශය ඒකා­බ­ද්ධව සිදු කළ පරී­ක්ෂා­වක දී හමුවූ තරුණ තරු­ණි­යන් පිරි­සක් මෙලෙස අව­වාද කර මුදා­හැ­රී­මට කට­යුතු කළ බව පොලි­සිය පව­සයි.

මෙම ස්ථානයේ රැඳී සිටි පුත්ත­ලම ප්‍රදේ­ශයේ තරු­ණ­යකු සැක­පිට අත්අ­ඩං­ගු­වට ගෙන ඇති අතර, ඔහු පිළි­බඳ මීග­මුව මූල­ස්ථාන පොලි­සිය මඟින් වැඩි­දුර විම­ර්ශන ආරම්භ කර තිබේ.

මීග­මුව කොට්ඨා­සයේ පොලිස් අධි­කාරි එරික් පෙරේරා මහ­තාගේ උප­දෙස් පරිදි කොට්ඨාස ළමා හා කාන්තා කාර්යාං­ශයේ ස්ථානා­ධි­ප­තිනි ප්‍රධාන පොලිස් පරී­ක්ෂිකා ආර්.එම්.එන්. රත්නා­යක, කාන්තා පොලිස් පරී­ක්ෂිකා නදීෂා සම­න්මාලි, කාන්ත උප පොලිස් පරී­ක්ෂිකා එම්. හසීම් මහ­ත්මිය ඇතුළු නිල­ධා­රින් පිරි­සක් මෙම කට­යුතු සඳහා සහ­භාගි වී තිබේ.

කටාන - බර්ටි වීර­සිංහ