අසත්ය තොරතුරු ලබා දී අස්වැසුම ප්රතිලාභ ලබා ගන්නා පුද්ගලයන් සම්බන්ධයෙන් නීතිය ක්රියාත්මක කිරීම සඳහා විශේෂ වැඩපිළිවෙළක් ක්රියාත්මක කරන බව සුබසාධක ප්රතිලාභ මණ්ඩලය පවසයි. ඊට අදාළ චක්රලේඛය සියලු දිස්ත්රික් ලේකම්වරුන් වෙත සහ ප්රාදේශීය ලේකම්වරුන් වෙත නිකුත් කර ඇති බව සුබසාධක ප්රතිලාභ මණ්ඩලයේ සභාපති ජයන්ත විජේරත්න මහතා පවසයි.
මේ සම්බන්ධයෙන් ප්රතිලාභ ලබා ගැනීම සඳහා දී ඇති
තොරතුරු සම්පූර්ණයෙන්ම හෝ කොටසක් හෝ අසත්ය බවට අනාවරණය වුවහොත් ඒ
සම්බන්ධයෙන් කටයුතු කිරීමට 2002 අංක 24 දරන සුබසාධක ප්රතිලාභ මණ්ඩල
පනත යටතේ ප්රතිපාදන ඇති බව ද ඒ මහතා සඳහන් කරයි.
අසත්ය තොරතුරු ලබාදීමක් පිළිබඳ දැනුවත් වීමක් සිදුවුවහොත් නිලධාරී කණ්ඩායමක් යොදවා පරීක්ෂණ පැවැත්වීමට දිස්ත්රික් ලේකම්වරයාට හෝ අතිරේක සුබසාධක ප්රතිලාභ කොමසාරිස්වරයාට බලය පවරා තිබේ. එම පරීක්ෂණයේදී ඉදිරිපත් කර ඇති තොරතුරු අසත්යය ද? ඒවා හිතාමතා ඉදිරිපත් කර තිබේ ද? යන්න ලබා දී ඇති ලියකියවිලි අනුව සොයා බැලිය යුතු අතර එහි ප්රතිඵල තමා වෙත වාර්තා කළ යුතු බව ද හෙතෙම පෙන්වා දෙයි.
අසත්ය තොරතුරු මත පදනම්ව ප්රතිලාභ හිමිකරගෙන ඇති බව අනාවරණය වුවහොත් අදාළ ප්රතිලාභී තැනැත්තා ප්රතිලාභ ලබා නැති නම් ලැයිස්තුවෙන් ඉවත් කිරීම, දැනට ලබා ගන්නේ නම් ප්රතිලාභ අත්හිටුවීම, ඒවා නැවත අය කර ගැනීම යන ක්රියාමාර්ගවලට අවතීර්ණ වන බව ද සභාපතිවරයා වැඩිදුරටත් සඳහන් කරයි.
0 Comments