![sanuka-vindy-love sanuka-vindy-love](https://blogger.googleusercontent.com/img/b/R29vZ2xl/AVvXsEgQ0AMrrlnRCVIrl4ViEeCCzsrgZpCsx0Ez5OnMoahwWkcB9Z6wpketjBzlhrzue3OgQiKlHDL5CZZdyHst8Ke_8XvpZUltMVvzU3dYql1nJpzK6Rt3uq-kzlF1i5jQ7KZwfiVJIZKFfIevFaGfUadoD8QxKPgiZvqSXQ32CBXaOfYCvexruUG6pOs8R5-B/s16000-rw/collage.jpg)
සණුක- වින්ඩි විවාහය සිදුවෙලත් දැන් ටික කාලයක් වෙනවනෙ.කොහොමද වින්ඩි එක්ක ගෙවන ජීවිතේ?
විවාහ වුණ අලුතම අපි දෙන්නට විදෙස් සංචාර කිහිපයකටම ආරාධනා ලැබුණා. ඒ නිසා බොහෝ අය හිතුවේ අපි ලංකාව දාල ගිහින් කියලා. නමුත් ලංකාව දාල යන්න අදහසක් නෑ. අපි සතුටින් ජීවිතේ ගෙවනවා. හැමදේටම වින්ඩිගෙන් ලොකු සහයෝගයක් ලැබෙනවා.
වින්ඩි ලංකාවෙ හිටිය කෙනෙක් නෙවෙයි. සණුක – වින්ඩි ආදරයට අඩිතාලම වැටුණෙ කොහොමද ?
රූ සඳ රෑ ප්රසංගයට මටත් ආරාධනා ලැබුණා. එතැනදි තමයි මුලින්ම අඳුනගන්න ලැබුණෙ. කතාබහ කරද්දි ගැළපෙනව කියල හිතුණා. ටික කාලයක් ගිහින් විවාහය දක්වා යන්න තීරණය කළා.
වින්ඩි කියන්නෙ උපන් දා ඉඳලා විදේශයක හැදුණු වැඩුණු කෙනෙක්. එහෙම කෙනෙක් බිරිය කරගනිද්දි ලංකාවෙ විදිහට ජීවත් වෙන්න හැකිවෙයි ද කියන ගැටලුව මතුවුණේ නැද්ද?
මම වින්ඩිට කැමැති වුණේ එයාට කලාකරුවෙක්ගෙ ජීවිතේ ගැන හොඳ අවබෝධයක් තිබුණ නිසයි. ඒ එයාගෙ අම්ම තාත්තත් කලාකරුවන් වුණ නිසා වෙන්න ඇති. ගොඩක් දුරට ප්රසංගවලට සහභාගිවෙලා අපි එන්නෙ එළිවෙලා. රෙකෝඩින්වලට ගියත් නියමිත වෙලාවක් කියන්න බෑ. මට ඒක එයාට අමුතුවෙන් තේරුම්කරල දෙන්න ඕන වුණේ නෑ. ඒ නිදහස තිබුණොත් තමයි හොඳ නිර්මාණ බිහිවෙන්නෙ. අපේ අම්ම අපේ තාත්තට ඒ නිදහස දීල තියෙනව මං දැක්කා. ඒ වගේම වින්ඩිගෙ අම්මත් වින්ඩිගෙ තාත්තට ඒ නිදහස දීල තිබුණා. ලයිෆ් පාර්ට්නර් කෙනෙක් වුණහම ඒ සහයෝගය තියෙන්න ඕන. ඒ වගේම වින්ඩි කියන්නෙ හොඳ ගතිගුණ තියෙන ගෑනු ළමයෙක්. ඒ නිසා ගැටලුවක් නැති වෙයි කියල හිතුණා.
දෙන්නගෙ ඉදිරි නිර්මාණ ගැන කතා කළොත්?
අයියෝ සාමි ගීතයේ විෂුවල් එකේ විතරයි මං පෙනී ඉන්නෙ. වින්ඩියි මායි කරපු ගීත කිහිපයක්ම එන්න තියෙනවා. ඒ වගේම අපි දෙන්න තනියම කරපු ඒවත් තියෙනවා. සමහර ඒවගේ වීඩියෝ එක කරලත් තියෙනවා. ඉක්මනින් රිලීස් කරන්න බලාපොරොත්තු වෙනවා.
නාමලී ගමගේ (Silumina)
![](https://blogger.googleusercontent.com/img/b/R29vZ2xl/AVvXsEjnxvRSX8ArmXEa6-48Csx0m-8KkEnPR6sqzcHNz2h0vAeLkN6h_pJlDP5FFKovjwsQfNZTIHhQO3AZH-siSAbd5-lOgz0mkDctm__NtPkK2lS-hJprKMx6dOdJB36W5gQ-6uGha7gqOTjP9n2gQ91Sq7EZr3iGeL_Lon5Fu8X70s63w_mOV96nC4GI_5VK/s16000-rw/12-14.png)
0 Comments