පසුගියදා ජාත්‍යන්තර මැක්ඩොනල්ඩ්ස් අවන්හල් ජාලය ශ්‍රී ලංකාවෙන් ඉවත්වූයේ රුසි පෙස්ටන්ජි මහතා සමග පැවති ගිවිසුම් ප්‍රකාරව මැක්ඩොනල්ඩ් නිසි ප්‍රමිතියෙන් පවත්වාගෙන නොගිය බව පෙන්වමිනි.
වාර්තාවන ආකාරයට රුසි පෙස්ටන්ජි මහතා යනු Abans PLC හි කළමනාකාර අධ්‍යක්ෂවරයා වන නමුත් ඔහු මැක්ඩොනල්ඩ්ස් මෙරට පවත්වාගෙන ගොස් ඇත්තේ International Restaurant Systems (Private) Limited යන වෙනත් සමාගම් නාමයක් යටතේය.
මේ හේතුවෙන් මැක්ඩොනල්ඩ්ස් ලංකාවෙන් ඉවත්වීමට අබාන්ස් දුර්වල පරිපාලනය හේතුවූ බවට ඔවුන් වෙත කරන චෝදනාව ප්‍රතික්ෂේප කර තිබේ.
එසේම මෙම සිද්ධිය හේතුවෙන් කොටස් වෙළෙඳපොල තුළ අබාන්ස් වෙත එල්ලවී ඇති අහිතකර බලපෑම ගැන ඔවුන් කණස්සල්ලට පත්ව ඇත.
කොළඹ කොටස් වෙළෙඳපොළ වෙත ලිපියක් යොමු කරමින්
අබාන්ස් පීඑල්සී ප්‍රකාශ කර ඇත්තේ මැක්ඩොනල්ඩ්ස් හි දේශීය හිමිකරු තම සමාගම් සමූහය යටතේ නොවන බවයි.
මැක්ඩොනල්ඩ්ස් හි දේශීය බලයලත් සමාගම 2007 අංක 7 දරන සමාගම් පනත යටතේ සංස්ථාපිත කරන ලද ජාත්‍යන්තර අවන්හල් පද්ධති (පුද්ගලික) සීමාසහිත බව ලිපියේ සඳහන් වේ. එම සමාගමේ බහුතර කොටස්කරු වන්නේ එම සමාගමේ 98.73% ක කොටස් හිමිකරු වන රුසි පෙස්ටන්ජි මහතා ය. සහ Abans PLC හි කළමනාකාර අධ්‍යක්ෂවරයාද වේ.
“International Restaurant Systems (Private) Limited යනු Abans PLC හෝ එහි මව් සමාගම වන Abans Retail Holdings (Private) Limited හි අනුබද්ධිත ආයතනයක් හෝ ආශ්‍රිත ආයතනයක් නොවේ. ඉහත සඳහන් හේතුව නිසා සීමාසහිත International Restaurant Systems (Private) මූල්‍ය කටයුතු Abans PLC හි මූල්‍ය සමඟ ඒකාබද්ධ වී නොමැත” යනුවෙන් ලිපියේ වැඩිදුරටත් සඳහන් වේ.
එම ලිපිය මෙසේය.
0 Comments