හෙරොයින් ජාවාරමෙන් මුදල් උපයාගෙන වාහන ඇතුළු රුපියල් ලක්ෂ 1100කට අධික වටිනාකම ඇති දේපළ රැස්කළ අහුන්ගල්ලේ කාන්තාවක සතු වූ දේපළ නිරීක්ෂණයට පොලිස්පති දේශබන්දු තෙන්නකෝන් මහතා එක්විය.
අහුංගල්ල පොලිස් වසමේ නිවාස කිහිපයක් රථ වාහන වෙෙළඳසල් මෙසේ රජයට පවරා ගැනීමට උසාවි නියෝග ගැනීමට නියමිතය. හැත්තෑ හැවිරිදි අහුන්ගල්ල වැලිකන්ද පදිංචි අනෝමා ශාන්ති නොහොත් කුඩු නෝනි නමැත්තියගේ දේපළ මෙසේ පවරා ගැනීමට නියමිතය. ඇය විසින් හෙරොයින් මත්ද්රව්ය විකුණා උපයාගත් මුදලින් මෙසේ දේපළ හා වාහන මිල දී ගෙන සිය ඥාතීන්ගේ නම්වලට එම දේපළ පවරා දී ඇත.
ඇයගේ එක් පුතකු මීට වසර කීපයකට පෙර ඝාතනය වී ඇති අතර ඇයගේ එක් දියණියක් හෙරොයින් ළඟ තබා ගැනීම සම්බන්ධයෙන් මරණීය දණ්ඩනයට නියමව ඇත.
නීති විරෝධී වත්කම් විමර්ශන කොට්ඨාසය මඟින් ලක්ෂ 1,103කට අධික වටිනාකමකින් යුත් වාහන සහ දේපළ රැසක් 2024.03.29 වන දින තහනමට ගෙන ඇති අතර, එම දේපළ සහ වාහන නිරීක්ෂණය කිරීම සඳහා පොලිස්පතිවරයා ද එක්විය.
අත්අඩංගුවට ගන්නා ලද වාහන සහ දේපළ
01. ISUZU FREEZER වර්ගයේ ලොරි රථය (ලක්ෂ 65)
02. HONDA DIO වර්ගයේ යතුරුපැදිය (ලක්ෂ 05)
03. ZA - 9695 දරන බැකෝව (ලක්ෂ 100)
04. IMUL-A-0701KLT දරන බහුදින ධීවර යාත්රාව (ලක්ෂ 110)
. SP BEX - 6600 දරන හොන්ඩා ඩියෝ වර්ගයේ යතුරුපැදිය (ලක්ෂ 04)
SP PE - 9412 දරන ටොයෝටා KDH වර්ගයේ වෑන් රථය (ලක්ෂ 140) SP AAP - 7704 දරන බජාජ් ත්රිරෝද රථය (ලක්ෂ 10)
SP YU - 7538 දරන බජාජ් වර්ගයේ ත්රිරෝද රථය (ලක්ෂ 07)
ඉඩම් හා නිවාස (නිවාස - 03, කඩ කාමර - 01, ඉඩම් - 05 (ලක්ෂ 530) අත්අඩංගුවට ගන්නා ලද වාහන සහ දේපළ IMUL-A-0983-GLE දරන අශ්වබල 185ක් වන හයිහුන්ඩායි එන්ජිම සහිත දිග අඩි 40යි අඟල් 4ක බහුදින ධීවර යාත්රාව (ලක්ෂ 150)
අංක IMUL-A-0810-GLE දරන සීනිගම, මීටියාගොඩ හර්ෂ මැරීන් ආයතනයේ නිෂ්පාදනය කරමින් පවතින බහුදින ධීවර යාත්රාව (නිෂ්පාදනය සඳහා මුදල් ගෙවා ඇති ප්රමාණය ලක්ෂ 52) ඉඩම් - 02 (ලක්ෂ 210)
ඒ අනුව, මුදල් විශුද්ධිකරණ පනතේ 7(1) වගන්ති යටතේ බලරහිත කර ඇති වාහන සහ දේපළවල මුළු වෙළෙඳපල වටිනාකම ලක්ෂ 1,103කට අධික වටිනාකමක් ඇති බවට අනාවරණය වී ඇත. මේ සම්බන්ධයෙන් හය දෙනකු අත්අඩංගුවට ගෙන ඇති බව අහුන්ගල්ල පොලිසිය පවසයි.
( කරන්දෙණිය- අනුරාධ ප්රියදර්ශන, අක්මීමන සුනිල් ගමගේ)
0 Comments