අංකල් දාපු ‘කිණ්ඩිය‘ ඉවසන්න බැරිවුණා - දෙහිවල කඩවත පාරේ ඝාතකයාගේ පාපොච්චාරණය

දෙහිවල කඩවත පාර ප්‍රදේශයේදී පෙරේදා පෙරවරුවේ සිදුවූ ඝාතනයක් යයි හැඟෙන රිය අනතුරින් 52 හැවිරිදි පුද්ගලයෙකු මරණයට පත්විය.



දෙහිවල පොලීසිය විසින් අත්අඩංගුවට ගත් 30 හැවිරිදි වියේ පසුවන සැකකරු දෙහිවල ෆෙසර් ඇවනිව් ප්‍රදේශයේ පදිංචි මානික්කම විවෙක් නමැති අයෙකි.කාර්මික ඉංජි­නේ­රු­වකු ලෙස ඔහු සේවය කරයි.
ඔහු පොලිසියට කළ පාපොච්චාරණය අනුව සිද්ධිය මෙසේය.

උදෑ­සන 7.45ත් - 8ත් අතර මෙම අන­තුර සිදුව තිබේ. කාර්මික ඉංජි­නේ­රු­ව­රයා තරු­ණි­යක මුණ­ගැසී මෝටර් රථයේ ගමන් කර­මින් සිටි­යදී උදෑසන කළුබෝවිල ප්‍රදේශයේ සිට කඩවත පාර දෙසට ගමන් කරන අතරතුර දී පටු මාර්ග­යක් වූ කඩ­වත පාරේ අඩු වේග­ය­කින් රථය ධාව­නය කර­මින් තිබී ඇත.

එවිට යතු­රු­පැ­දි­කරු මෝටර් රථය ඉස්සර කර ඇති  අතර එම අව­ස්ථා­වේදී මෝටර් රථය පද­ව­මින් සිටි කාර්මික ඉංජි­නේ­රු­ව­රයා යතු­රු­පැ­දි­ක­රුට බැණ­වැදී ඇත. එහිදී දෙදෙනා අතර බහි­න්බ­ස්වී­මක් සිදුව ඇති අතර යතුරු පැදිය මෝටර් රථයේ ගැටී සීරීමක්ද සිදු කර ගොස් තිබේ.
මෙම නොමනා ක්‍රියාව නිසා කලබලෙන් මෝටර් රථය පැදවූ මානික්කම විවෙක්
මෝටර් රථය පිටුපසින් යතුරු පැදිකරු කඩවත පාර ඔස්සේ පැමිණෙන අයුරු බලමින් ගොස් ඇති බවත් එහිදී මෝටර් රථය මාර්ගයේ තිබූ බෝක්කුවක බැම්මෙ හැපී අනතුරක් සිදුව ඇති බව පැවසේ. එම අවස්ථාවේ ඉදිරි රෝදයේ හුළං යාම හේතුවෙන් නතර කරන්නට සිදුව ඇත.
පසුව යතුරු පැදිකරු මෝටර් රථ රියැදුරුට විහිළු කරමින් වේලාවක් නවතා තබාගෙන ඇති අතර මෝටර් රථ රියදුරු කියුවේ  ‘අංකල් මට කිණ්ඩිය දැම්මා.. මට හොඳටම කේන්ති ගියා“ යනුවෙනි. ඒ සමගම යතුරු පැදිය මෝටර් රථයට ඉස්සර කර ගොස් ඇති අතර කෝපයට පත් මෝටර් රථයේ රියැදුරු හුළං ගිය රෝදය තිබියදීම මෝටර් රථය පණ ගන්වා යතුරු පැදිකරු වේගයෙන් හඹා ගොස් හප්පා ඇති බවත් එහිදී යතුරු පැදිය මීටර් 10 ක් පමණ බිම දීගේ ඇදී ගොස් ඇති බවත් හෙළිවී ඇත.දෙහිවල කඩවත පාර පැරකුම් මාවත හැරෙන හන්දිය අසලදී මෙම සිදුවීම සිදුව ඇත. මෙම අවස්තාවේ මෝටර් රථය විදුලි කණුවක ගැටී පෙරැළී ඇති අතර
යතුරු පැදිකරු බරපතළ තුවාල ලබා බිම වැටී සිටිය දී ප්‍රදේශවාසීන් එක්වී කළුබෝවිල රෝහලට ඇතුළත් කිරීමෙන් අනතුරුව මියගොස් ඇතැයි පොලිසිය කියයි.

යතු­රු­පැ­දියේ ගැටුණු මෝටර් රථය සිමෙන්ති ගැට්ටක ගැටී අසල තිබුණු දුර­ක­තන කුලු­නක ද ගැටී පෙරළී ඇත. මෝටර් රථ­යට ද එම­ඟින් දැඩි හානි සිදුව තිබේ. දුර­ක­තන කුලු­න­ටද හානි සිදුව ඇත.

පොලි­සිය පව­ස­නුයේ මෙම අන­තුර සිතා­මතා සිදු කළ අන­තු­රක් බවත් මෙය මිනිස් ඝාත­න­යක් සේ සලකා විම­ර්ශන පව­ත්වන බවත්ය. සැක­කරු ගල්කිස්ස මහේ­ස්ත්‍රාත් අධි­ක­ර­ණ­යට ඊයේ (22) ඉදි­රි­පත් කිරී­මෙන් පසු දින 14ක් රිමාන්ඩ් භාර­යට පත් කර ඇති අතර මත්පෙති හා අයිස් මත්ද්‍රව්‍ය පාවිච්චි කර ඇත්දැයි පරීක්ෂා කිරී­මට පොලි­සිය අධි­ක­රණ නියෝග ලබා­ගෙන තිබේ.

මෙම පුද්ග­ලයා විසින් මෝටර් රථ­යට යට­කර මරා දමා ඇත්තේ මොර­ටුව කටු­බැද්ද පෙරේරා මාවතේ පදිං­චි­ක­රු­වකු වන ඩී. රංජිත් (52) නමැති අයෙකි. තිදරු පියකු වන මොහු කොල්ලු­පි­ටිය ප්‍රදේ­ශ­යක පොල්තෙල් බෝතල් බෙදා­හ­රින ආය­ත­න­යක රැකි­යාවේ නිර­තව සිට ඇත.