අදානිගේ 60 වන උපන්දින සැමරුම වෙනුවෙන් ඉන්දියානු රු කෝටි 60000 ක සමාජ සත්කාර

Ad Code

අදානිගේ 60 වන උපන්දින සැමරුම වෙනුවෙන් ඉන්දියානු රු කෝටි 60000 ක සමාජ සත්කාර

gautam-adani-60-birthday

2022 ෆොර්බ්ස් බිලියනපති ලැයිස්තුව අනුව ලෝකයේ 11 වන ධනවතා හැටියට සැලකෙන ඉන්දියාවේ ගෞතම් අදානි සිය 60 වන උපන්දිනය සිකුරාදා (24) සමරන්නේය.
මේ උපන්දිනය සැමරීමට ඔහු අලුත් විදිහක් කල්පණා කර තිබේ. සෞඛ්‍ය සේවා, අධ්‍යාපනය සහ නිපුණතා සංවර්ධනය , සමාජ වැඩ සඳහා පරිත්‍යාගයක් ලෙස 60 ඉලක්කම සමරන්නට ඉන්දීය රුපියල් කෝටි 60,000ක් ඔහු පරිත්‍යාග කර තිබේ.
2022 ආරම්භයේදී ඉන්දියාවේ මුකේෂ් අම්බානි ලෝකයේ 10වන බිලියන පතියා වන්නේ ඩොලර් බිලියන 90.7 ක වත්කමකිනි. ගෞතම් අදානිගේ වත්කම ඊට 0.7 ක් අඩුය ඔහුගේ වත්කම ඩොලර් බිලියන 90 කි. ඔහු මෙතරම් ඉහළ තැනකට පත්වන්නේ 2022 වීම විශේෂත්වයකි.

ඔහු 2021 ලොව 24 වැනියා වූ අතර  2020 සිටියේ ලොව 155 වැනියා ලෙසිනි.
බ්‍රහස්පතින්දා (ජූනි 23) වන විට ඩොලර් බිලියන 166.24 කට වඩා වැඩි වෙළඳපල වටිනාකමක් ඇති Adani සමූහය ප්‍රවාහන සහ උපයෝගිතා යටිතල පහසුකම් රැසක් සහිත සමාගම් හතකින් සමන්විත වේ.

ගුජරාට් හි අහමදාබාද් හි මූලස්ථානය පිහිටා ඇති Adani සමූහය, ඉන්දියාවේ මහා පරිමාණ යටිතල පහසුකම් සංවර්ධනය කෙරෙහි අවධානය යොමු කරමින් එහි ප්‍රවාහන සැපයුම් සහ බලශක්ති උපයෝගිතා සමූහ ව්‍යාපාරවල වෙළඳපල ප්‍රමුඛයා ලෙස ස්ථානගත වී ඇත.
Adani සමූහ ව්‍යාපාරයේ සභාපති ගෞතම් අදානිගේ 60 වැනි උපන්දිනය නිමිත්තෙන් මෙම වාර්තාගත පරිත්‍යාගය නිවේදනය කරන ලදී.


“ගෞතම් අදානිගේ පියා ශාන්තිලාල් අදානිගේ ජන්ම ශත සංවත්සරය සහ ගෞතම් අදානිගේම 60 වැනි උපන්දිනය වෙනුවෙන් Adani පවුල සමාජ සත්කාර සඳහා රුපියල් කෝටි 60,000 ක පරිත්‍යාගයක් කරනු ඇත. ”සමාගම පැවසීය.
ගෞතම් අදානි සමාජ සත්කාර සඳහා පිහිටුවා ඇති Adani පදනම මගින් මෙම පරිත්‍යාග සිදුකරනු ඇත.
 අද වන විට Adani පදනම ඉන්දියාවේ ප්‍රාන්ත 16 ක් පුරා ගම්මාන 2,409 ක මිලියන 3.7 ක ජනතාවක් ආවරණය කරයි.
 




ඔබේ ප්‍රතිචාරය කුමක්ද?

Read Other News

Close Menu