ආණ්ඩුවට එරෙහිව රට පුරා පැන නැගී ඇති පොදු ජනතා අරගල ශක්තිමත් කිරීමේ අරමුණින් අද (27) මධ්‍යම රාත්‍රියේ සිට සංකේත වැඩ වර්ජනයක් ආරම්භ කරන බව දුම්රිය වෘත්තීය සමිති සන්ධානය කියයි. මෙම සංකේත වැඩ වර්ජනය හෙට (28) මධ්‍යම රාත්‍රිය දක්වා ක්‍රියාත්මක කිරීමට නියමිතය.
ඒ අනුව දුම්රිය නියාමක සංගමය, දුම්රිය ස්ථානාධිපති සංගමය, ලොකොමොටිව් ඔපරේටිං ඉන්ජිනියර්ස් යූනියන්, දුම්රිය සේවක සංගමය, දුම්රිය තාක්ෂණ ශිල්පී සංගමය ඇතුළු දුම්රිය වෘත්තිය සමිති තිහකට අධික ප්‍රමාණයක් විරෝධතාවට සහයෝගය පළ කරන බව දුම්රිය වෘත්තිය සමිති සන්ධානයේ ප්‍රධාන ලේකම් එස්. විතානගේ මහතා පැවැසීය.
මරදාන දුම්රිය පටුමගේ පිහිටි දුම්රිය ස්ථානාධිපති සංගම් ශාලාවේදී දුම්රිය වෘත්තිය සමිති සන්ධානය ඊයේ (26) පැවැත්වූ හමුවකදී ඔහු මේ බව කීය. සියලුම සේවකයන් සේවාවලින් ඉවත්ව මෙම වර්ජනයට සහයෝගය දෙන බවත් ඔහු එහිදී කීවේය. ජන විරෝධය තේරුම්ගෙන ජනාධිපතිවරයා, අගමැතිවරයා ප්‍රමුඛ ආඩුව ඉල්ලා අස් නොවුණහොත් අඛණ්ඩ දුම්රිය වැඩවර්ජනයක් ක්‍රියාත්මක කරන බවද පැවසීය..
0 Comments