ජාත්‍යන්තර මූල්‍ය අරමුදල (IMF) සිය ඩොලර් බිලියන 6 ක ණය වැඩසටහනේ ප්‍රමාණය ඩොලර් බිලියන 2 කින් වැඩි කිරීමටත්, පකිස්ථානයේ ගෙවුම් ශේෂ තත්ත්වය සහ විදේශ විනිමය සංචිතවලට මුක්කු ගැසීමට එය තවත් වසරකින් දීර්ඝ කිරීමටත් එකඟ වී ඇතැයි අද වාර්තාවිය. මේ අනුව පසුගිය දිනවල එරටට බලපෑ ඉන්ධන ප්‍රශ්නය විදුලිය ප්‍රශ්නය ඇතුළු ගැටලු රැසක් නිමාවට පත්වන බව එරට මුදල් අමාත්‍ය මිෆ්තා ඉස්මයිල් දන්වා තිබේ.
IMF සමග එකඟතා සාර්ථකවීමෙන් පසු වොෂින්ටනයේ පකිස්ථාන තානාපති කාර්යාලයේ පැවති ප්‍රවෘත්ති සාකච්ඡාවකට එක්වෙමින් ඇමතිවරයා පැවසුවේ පාකිස්තානය ඉතිරි ඩොලර් බිලියන 3 සිට ඩොලර් බිලියන 5 දක්වා ඇපදීමේ පැකේජය වැඩි කරන ලෙස IMF වෙතින් ඉල්ලා ඇති බවයි.
පාකිස්තානයේ යෝජනාව අනුමත වීමෙන් පසු ණය ලබාදෙන අයුරු තාක්ෂණික සාකච්ඡා අඟහරුවාදා සිට ආරම්භ කිරීමට අපේක්ෂා කරන බවද ඔහු දැන්වීය.
කෙසේ වෙතත්, මෙම තීරණය ලබාදෙන්නට පකිස්තානයට බරපතල කොන්දේසි පනවා ඇත. එළඹෙන අයවැය මගින් මෑතකදී පනවා ඇති සහනාධාර සහ අනෙකුත් ක්‍රියාමාර්ග සම්පූර්ණයෙන්ම ආපසු හැරවීමට ණය ආධාරය යටත් වේ.
"සහනාධාර හැකි ඉක්මනින් ඉවත් කිරීම සහතික කරන්නේ නම්" ණය දෙන බවට IMF එකඟ වී ඇත.
මේ වන විට පකිස්තාන රජය පෙට්‍රල් ලීටරයකට පකිස්තාන රුපියල් 21ක්, ඩීසල් ලීටරයකට පකිස්තාන රුපියල් 51.52ක් සහ විදුලි ඒකකයකට පකිස්තාන රුපියල් 5ක් පමණ සහනාධාරයක් ලබා දෙයි.
සහන කැපීම යටතේ මිල ගණන් තවත් ඉහළ යනු ඇත.
0 Comments