මේ දිනවල ‘ගෝටා ගෝ හෝම්‘ විරෝධතාවය අතර නිතර අසන්නට ලැබෙන විනෝදකාමී පාඨයක් බවට පත්ව ඇත්තේ ‘කපුටු කාක් කාක් කාක් - බැසිල් බැසිල්‘ යන්නයි. මෙම පාඨය අනුකරණය කරමින් වාහන වල හෝන් ගසමින් සිදු කරන විරෝධතාවන් ද අසන්නට ලැබේ. අරගල භූමියේ තරුණ පිරිස් සිනහසෙමින් මෙම පාඨය හඩ නගන්නේ බැසිල්ගේ නොදන්නාකම ගැන උපහාස රසය මතු කරන්නටය.
ඩේලි මිරර් යූටියුබ් නාලිකාව සමග පැවති සාකච්ඡාවකදී ‘කපුටාස් හැව් හිට් ද ප්ලේන්‘ යනුවෙන් සිංහල ඉංග්රීසි මිශ්ර කර කථාකිරීම නිසා බැසිල් රාජපක්ෂගේ ඉංග්රීසි දැනුම මුලින්ම සමාජ මාධ්ය තුළ උපහාසයට නැගුණි.
අනතුරුව ගම්මංපිල කියා සිටියේ වසර 17 ක් ඇමරිකාවේ සිටියත් බැසිල්ට ඉංග්රීසි උච්චාරණය නිසි ලෙස සකසාගන්නට බැරිවයාම විමතිදායක බවත් එවන් අඩුදැනුමත් ඇති කෙනෙකු මුදල් ඇමතිධූරය නිසි ලෙස කරාවි යයි සැක බවත්ය.
මෙම ප්රසිද්ධියට පත්වීම් සමග ‘කපුටාස් හිට් ද ප්ලේන්‘ යන්නට ෆේස් බුක් විහිළු නිර්මාණ මෙන්ම පුවත්පත් කාටූන්ද නිර්මාණය විය.
කුඩා දරුවන් කෑම කන්නට අදිමදි කරද්දී ළමුන් රවටන්නට එළියට බසින අම්මාලා ‘කපුටු කාක් කාක් කාක්‘ කියා කපුටන්නට අඩගසා කෑම දෙන බව පවසා ළමුන් බය කර කෑම කවනු අසන්නට ලැබේ.
‘කපුටු කාක් කාක් කාක් - බැසිල් බැසිල්‘ යන්න උපහාසාත්මක සටන් පාඨයක් බවට මුලින්ම පත්වූයේ පසුගියදා විපක්ෂයේ සමගි ජන බලවේගයේ කාන්තා කණ්ඩායම පෙලපාලියක ගමන් ගනිද්දී දෙපිරිසක් එක්ව මෙය හඩනගමින් කියවමින් ගමන් කිරීමෙනි. එම වීඩියෝ කොටස සමාජ මාධ්ය තුළ විශාල වශයෙන් සංසරණය විය.
මෙම පාඨයේ සැබෑ හිමිකරුවා වන්නේ වෙනත් කිසිවෙකු නොව නැසීගිය සිනමා නළු ප්රෙඩී සිල්වාය.
ප්රෙඩී ගායනා කරන ‘නැව ගිලුණත් බෑන් චූන්‘ චිත්රපටයේ අතිශය ජනප්රිය ‘කපුටු කාක් කාක් කාක්‘ ගීතයේ සංගීත අනුකණ්ඩය ‘බැසිල් බැසිල් බැසිල් බැසිල් ‘ ආකාරයෙන් ශ්රවණය වෙන අතර මෙම තාලය හිතේ තබාගෙන කිසිවෙකු විසින් මෙම උපහාස පාඨය නිර්මාණය කරන්නට ඇතිය යන්න අනුමාන කළ හැකිය.
එම වීඩියෝව පහතින්
Comments
Post a Comment
Your comment will be visible after approval