විදුලි ජනනය සඳහා ජලාශවල ජලය ඇත්තේ තවත් දින 20කට තරම් ප්‍රමාණයකැයි ලංකා විදුලිබල මණ්ඩල ආරංචි මාර්ගවලින් පැවසේ. පවතින දැඩි නියං කාලගුණික තත්වය හේතුවෙන් බලාගාර ආශ්‍රිත ජලාශවල ජල මට්ටම සියයට 28ක මට්ටමකට පහත වැටී ඇතැයි ද ලංවීම දත්ත වාර්තා සඳහන් කරයි.
කොත්මලේ ජලාශයේ ජල මට්ටම සියයට 21ක් දක්වා, කාසල්රි ජලාශයේ ජල මට්ටම සියයට 12ක් දක්වා ද මාවුස්සාකැලේට ජලාශයේ සියයට 29ක් දක්වා ද, සමනලවැව ජලාශයේ සියයට 14 ක් දක්වා සහ රන්දෙණිගල ජලාශයේ සියයට 56ක් දක්වා ආදී වශයෙන් ජලාශවල ජල මට්ටම් පහත බැස තිබෙන බව එම වාර්තතා සඳහන් කරයි. මෙරට විදුලි ජනනයෙන් සියයට 80ක්ම ජලයෙන් ලබාගත් අතර එය මේ වනවිට සියයට 15 පමණ දක්වා අඩුවී ඇතැයි ද වාර්තා වේ.
0 Comments