තෙවනුව පියෙක් වුන විළියම් කුමරු අප්‍රිකාවේ ජනගහණය අඩුකරගන්න කියා බැනුම් අසයි

ජනගහන වර්ධනය අප්‍රිකාවේ වන සතුන්ට අනතුරක් වන බව යෝජනාකරන්නට ගිය විලියම් කුමරුට විවේචකයින් “තමන්ගේ වැඩක් බලාගන්නා ලෙස” පැවසීමේ සිද්ධියක් වාර්තාවේ.

අඟහරුවාදා සවස ලන්ඩනයේ ටස්ක් සංරක්ෂණ සම්මාන උළෙලේදී අදහස් දක්වමින් විලියම් පැවසුවේ මහාද්වීපයේ “මිනිස් ගහනයේ ප්‍රතිඵලයක් ලෙස වනජීවී සහ වන අවකාශයන් පීඩනයක් ඇතිව තිබෙන බවත් එය සංරක්ෂණවාදීන්ට විශාල අභියෝගයක්” ඉදිරිපත් කර ඇති බවත්ය.
 ස්වභාවික ලෝකය රැකියා සහ ජීවනෝපාය සඳහා පමණක් නොව, මානව වර්ගයාගේ සෞඛ්‍යය, යහපැවැත්ම සහ අනාගතය සඳහා ආරක්ෂා කිරීම අවශ්‍ය බවට ඔහු පෙන්වා දුන්නේය.
මීට වසර 4 කට පෙර 2017 දීත් ඔහු මෙම අදහස්ම ප්‍රකාශ කර තිබුණි.
ජනගහණය සීමා කරන්නට යයි අන්අයට කියමින් දරුවෙකු අපේක්ෂාවෙන් සිටින කාලයේ 2017 දීත් විළියම් කුමරු මෙම ප්‍රකාශය කිරීම සම්බන්ධයෙන් දැඩි විවේචනයට ලක් විය.

මෙවර ඔහුගේ ප්‍රකාශය විවේචනය  සමාජ මාධ්‍ය තුළ බහුල විය.
මාධ්‍යවේදී Nadine Batchelor-Hunt ට්වීට් කළේ අප්‍රිකාවේ වත්මන් ජන ඝනත්වය ආසියාවට සහ යුරෝපයට වඩා සැලකිය යුතු ලෙස අඩු බවයි. ඒ නිසා විළියම් කලබල විය යුතු නැතැයි දන්වා සිටියේය.
සමහරු තවදුරටත් කියා සිටියේ විලියම්ට "අප්‍රිකාව ගැන හෝ අප්‍රිකානුවන් සහ ඔවුන්ගේ ජීවිත ගැන කිසිවක් කීමට සදාචාරාත්මක බලයක් නොමැති" බවයි.
“ඔහු හොඳ ඉතිහාස පොත් කියවීමට සහ ඔහුගේ බොහෝ දරුවන් ඇති දැඩි කිරීමට සහ ලොව පුරා විසිරී සිටින ඔහුගේ විශාල පවුල සමඟ කාලය ගත කිරීමට ඔහුගේ මතය කුණු ඛූඩයට යැවිය යුතුය ”එක් ට්විටර් පරිශීලකයෙක් පැවසීය.