chathura-kabral-speaks
හිටපු මහ බැංකු අධිපති හා වත්මන් මුදල් රාජ්‍ය ඇමති අජිත් නිවාඩ් කබ්රාල් මහතාගේ පුතුගේ මංගල උත්සවය අද (16) යෙදෙන නිසා රට වැසීම පමා කළැයි ෆේස් බුක් ඔස්සේ ආරංචියක් පැතිර ගිය අතර ඊට පිළිතුරු සැපයූ අජිත් නිවාඩ් කබ්රාල් මහතා එය අසත්‍යයක් යයි දන්වා සිටියේය. 

නමුත් ඔහු තම පුතු ගැන විස්තර නොකළේය.
ඒ අතරවාරයේ අජිත් නිවාඩ් කබ්රාල් මහතාගේ පුත් චතුර කබ්රාල් මහතා සිය සමාජ මාධ්‍ය ගිණුම් හරහා මෙම පුවත අසත්‍යයක් බවට කරුනු පැහැදිලි කර ඇති අතර තමා 2016 විවාහවූ බවත් තමාට අවුරුදු 2 ක දරුවෙකු සිටින බවත් විස්තර කර තිබේ.
එසේවූ තමා සම්බන්ධයෙන් අසත්‍ය පුවත් ප්‍රබන්ධ කිරීම ගැන ඔහු මවිතය පළ කර තිබේ.
චතුර කබ්රාල් මහතා මේ වනවිට කොළඹ වරාය නගරය පරිපාලන සමාගමේ සහකාර කළමනාකාරවරයෙකු ලෙස සේවය කරමින් සිටියි.