මහව , කරඹේ කුලසැන්දෑව වැවෙහි එළන ලද මාළු දැලක පැටලි තිබූ පුද්ගල මළ සිරුරක් සොයාගත් බව මහව පොලීසිය සඳහන් කරයි.
එම මළ සිරුර කරඹේ,කුලසැන්දෑව ග්‍රාමයේ ම වෙසෙන හතළිස් දෙහැවිරිදි වියේ පසු වු ආර් .එම් .සිසිර කුමාර රත්නායක නමැති දෙදරු පියාගේ බවට පරීක්ෂණවලදි හඳුනාගෙන තිබෙන බවත් පොලීසිය පවසයි.
පසුගිය 29 වැනි දා ගවයන් බැදිමට යන බව නිවැසියන්ට පවසා එම පුද්ගලයා නිවසින් පිටවගොස් ඇති අතර එදින නිවසට නොපැමිණීම නිසා රාත්‍රී කාලයේත්, පසු දිනත් ඔහු ගැන සොයා බලා ඇති බවත් පොලීසිය සඳහන් කර ඇත.
අනතුරුව මාළු දැලක පැටලි තිබූ එම මළසිරුර තිස් වැනිදා රාත්‍රී ගම්මුන් දැක වැවෙන් ගොඩට ගත් බව පැවසේ.
ගල්ගමුව නැගෙනහිර දකුණු කෝරළයේ හදිසි මරණ පරීක්ෂකවරයා ඒ සම්බන්ධයෙන් පරීක්ෂණ ආරම්භ කළ බවත් සිරුර ඥාතීන් හඳුනා ගත් බවත් පොලිසිය පවසයි.
0 Comments