ඊයේ දිනයේදී කොවිඩ් ආසාදිතයින් මෙරටින් වාර්තා වූ ප්‍රදේශ

ඊයේ දිනයේදී මෙරටින් වාර්තා වූ කොවිඩ් ආසාදිතයින් 1531ක් දෙනා ගෙන් 533 දෙනකු කොළඹ දිස්ත්‍රික්කය තුලින් වාර්තා වූ බව කොවිඩ් -19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය නිවේදනය කර සිටිනවා.
 

කොළඹ මහ නගර සභා බල ප්‍රදේශයෙන් ඊයේ කොවිඩ් ආසාදිතයින් 146 දෙනෙකු වාර්තා වී තිබුණා. ඊට අමතරව පිළියන්දල 129ක්, වැල්ලම්පිටිය 27ක්, මුල්ල්රියාව 31ක්, මොරටුව 19ක්, මහරගම 16ක්, බොරැල්ල 19, නාරාහේන්පිට 13ක් ලෙස ආසාදිතයින් වාර්තා වී තිබෙනවා.

මේ අතර ගම්පහ සහ කළුතර දිස්ත්‍රික්කයෙන් ද ඊයේ දිනයේදී කොවිඩ් ආසාදිතයින් 145 දෙනා බැගින් වාර්තා වී තිබෙනවා.

කුරුණෑගල දිස්ත්‍රික්කයෙන් ඊයේ දිනයේදී කොවිඩ් ආසාදිතයින් 107 දෙනෙකු වාර්තා වී තිබෙනවා. ඉන් 33 දෙනෙක් කුරුණෑගල නගරයෙන්ද, 28 දෙනෙක් තුල්හිරිය ප්‍රදේශයෙන් ද වාර්තා වී තිබෙනවා.

මීට අමතරව ගාල්ල දිස්ත්‍රික්කයෙන් ආසාදිතයින් 84ක්, යාපනය 17ක්, කෑගල්ල 10ක්, පුත්තලම 13ක්, අනුරාධපුර 35ක්, ත්‍රිකුණාමලය 07ක්, මොණරාගල 16ක්, මාතර 46ක්, පොළොන්නරුව 48ක්, මාතලේ 35ක්, බදුල්ල 13ක්, නුවරඑළිය 43ක්, රත්නපුර 22ක්, වව්නියාව 07, මඩකළපුව 14, හම්බන්තොට 43ක්, කිලිනොච්චි 03, මුලතිව් 01ක් සහ විදේශගතව සිට පැමිණි පුද්ගලයින් 40ක් කොවිඩ් ආසාදිතයින් ලෙස හඳුනා ගෙන ඇත.

ඊයේ දිනයේදී කොවිඩ් ආසාදිතයින් දිස්ත්‍රික්ක 24කින් වාර්තා වී ඇති අතර එකඳු ආසාදිතයෙකු හෝ වාර්තා වී නැත්තේ මන්නාරම දිස්ත්‍රික්කයෙන් පමණයි.