අසාදිතයින් මුල්වරට දහස ඉක්මවා යයි (1111)

කොරෝනාවෛරස් වසංගතය ආරම්භ වීමෙන් පසුව පළමු වරට එක් දිනකදී මෙරටින් වාර්තා වූ රෝගීන් ගණන 1,000 පසුකර තිබේ.
 
 වසංගත රෝග විද්‍යා අංශය විසින් අද (27) ප.ව. 09.55ට පළ කළ වාර්තාවට අනුව අද දිනය තුළ රෝගීන් 1,111ක් හමුවී ඇති අතර,  එය මෙතෙක් දිනකදී වාර්තාවූ වැඩිම රෝගීන් ගණනද වේ.
 
එම වාර්තාවට අනුව මේ දක්වා හමුවූ සමස්ත ආසාදිතයන් සංඛ්‍යාව 103,487කි.

මේ වන විට රෝගීන් 7,984ක් වෛද්‍ය ප්‍රතිකාර ලබමින් සිටින බවත්, සුවය ලැබූ රෝගීන් ගණන 94,856ක් බවත් එහි වැඩිදුරටත් දැක්වේ.