මැතිවරණ කොමසාරිස් ජනරාල් සමන් ශ්‍රී රත්නායක මහතා ඊයේ (24) කියා සිටියේ ආගමික සබැඳියාවන් දක්වන හෝ අර්ථයන් ඇති පක්ෂ ලියාපදිංචි නොකිරීමට හා දැනටමත් ලියාපදිංචි කර ඇති පාර්ශවයන්ගේ නම් වෙනස් කිරීමට පියවර ගන්නා බවයි.



තවම තහවුරු කර නොතිබුණද, මෙම නව තහනම ශ්‍රී ලංකා මුස්ලිම් කොන්ග්‍රසයටද (එස්එල්එම්සී) බලපානු ඇතැයි දැක්වේ.
මෙම නව නීතිරීති පාස්කු කොමිසමේ නිර්දේශ පදනම් කරගෙන ගැසට් කරනු ඇතැයි වාර්තාවේ.
මැතිවරණ කොමිෂන් සභාව මෙතැන් සිට ලියාපදිංචි කරනු ලබන්නේ දේශපාලනයට අදාළ නම් පමණක් වන අතර ආගමික හා සංස්කෘතික යොමු කිරීම් සහිත පක්ෂ නොවේ.

ආගමික නම් සහිත දේශපාලන පක්ෂ විශාල සංඛ්‍යාවක් සිටීම රටකට සුදුසු නැති බවත් මෙය දේශපාලන පක්ෂ
හරහා සමාජයේ අනවශය ගැටලු මතුකරවන තත්වයක් බවත් පෙන්වාදෙන ඔහු පක්ෂයක් මගින් මතවාද මිස සංස්කෘතිය හෝ ආගම කෙරෙහි කිසිදු නැඹුරුවක් නොදැක්විය යුතු බව කීය.
කොමිසමේ ලියාපදිංචි වීමට අපේක්ෂා කරන පාර්ශ්වයන් ආගමේ නම නොව දේශපාලනයට සම්බන්ධ බව ඉදිරියේදී සහතික කළ යුතු බවද ඔහු පැවසීය.