පොළොන්නරුව රෝහලේ  21 වන වාට්ටුවේ ප්‍රතිකාර ලබමින් සිටියදී ස්වයං නිරෝදායනයට යොමු කළ 71 හැවිරිදි කාන්තාවක ඊයේ ජීවිතක්ෂයට පත්ව තිබේ. බකමූණ පළමුවන ධීවර ප්‍රදේශයේ පදිංචිව සිටි මෙම කාන්තාව රෝහලේ 21 වාට්ටුවේ ප්‍රතිකාර ලබමින් සිට ඇත්තේ අංශ භාග රෝග තත්වයකට ප්‍රතිකාර ගන්නටය. මීට දින 10 කට ඉහතදී 
කොරෝනා වෛරසයට ගොදුරුවූ බවට හඳුනාගත් එම වාට්ටුවේ කාන්තාවක නිසා එම වාට්ටුව වසා දැමුණ අතර හදිසි ප්‍රතිකාර කටයුතු සඳහා හැර පොළොන්නරුව මහ රෝහලට සෙසු රෝගීන් ඇතුළත් තාවකාලිකව නවතා ප්‍රතිකාර ලබමින් සිටි ලෙඩුන් හෙදියන් ඇතුළු සෞඛ්‍ය කාර්යය මණ්ඩලය 42ක් නිරෝධායනයට යොමුකර තිබුණි.

එකී කොරෝනා ආසාදත කාන්තාව සිටි ඇඳට අල්ලපු ඇඳේ සිටි මෙම කාන්තාව පසුව ස්වයං නිරෝධායනයට යොමුවී නිවසේ සිටියදී දින 9 ක් ඇතුළත හදිසියේ මියගොස් තිබේ. ඇයට කොරෝනා වැළඳී තිබුණිද යන්න පීසීආර් පරීක්ෂණයේ ප්‍රතිඵල තවම ලැබී නැති මුත් ඊයේ ඇගේ මරණයෙන් පසු අවසන් කටයුතු නිරෝධායන රෙගුලාසි අනුව ඊයේම බකමූණ ආදාහනාගාරයේදී සිදු කරන්නට යෙදුණි.