පොලිස් විශේෂ කාර්ය බලකා කඳවුර රත්ගම පොලිස් විශේෂ කාර්ය බලකා කඳවුරේ නිලධාරීන්ට ලද
තොරතුරක් මත 2020.09.11 වන දින සවස 6.50 ට පමණ අනුරාධපුර පොලිස් වසමේ අනුරාධපුර නව නගරයේ පිහිටි ලැගුම් හලකදී රත්ගම පොලිස් විශේෂ කාර්ය බලකා කඳවුරේ නිලධාරීන් විසින් සංවිධානාත්මක අපරාධ කල්ලි සාමාජිකයෙකු අත්අඩංගුවට ගෙන ඇත.
සැකකරු සම්බන්ධයෙන් සිදුකල වැඩිදුර විමර්ශනයේදි දොඩංදුව, වලමුල්ල ප්‍රදේශයේ ඉදිකරමින් පවතින සැකකරුට අයත් නිවසක පිටුපස සගවා තිබූ ටී 56 ගිනි අවි 02 ක් අත්අඩංගුවට ගෙන ඇති අතර මෙම ගිනි අවි රත්ගම විදුර නැමති තවත් සංවිධානාත්මක අපරාධ කරුවෙකුට අයත් බවට අනාවරණය වී ඇත.
අත්අඩංගුවට ගත් සැකකරු වයස අවුරුදු 40 ක් වූ වලමුල්ල, දොඩංදූව ප්‍රදේශයේ පදිංචිකරුවෙක් වන අතර සැකකරු හා අත්අඩංගුවට ගත් ගිනි අවි වැඩිදුර විමර්ශන සඳහා අපරාධ පරීක්ෂණ දෙපාර්තමේන්තුව වෙත භාරදී ඇත