සැකකාරිය සන්තකයේ තිබී කිරිබත්ගොඩ නගරයේ රෙදිපිළි වෙළෙඳසලකින් සොරකම් කරන ලද රෙදි පිළි තොගයක්ද මේ සමගම සොයාගත් බවද පොලිසිය කියයි.
අම්බලන්ගොඩ රෙදි පිළි වෙළෙඳසැලකට ඊයේ (3) ගිය මේ සැකකාරිය ඇඳුම් මාරු කිරීමට රැගෙන ගිය ඇඳුම් තොගයෙන් සුළු ප්රමාණයක් අතැතිව පැමිණීම පිළිබඳව එහි සේවිකාවක කළ සොයා බැලීමේදී සැකකාරිය ඇඳුම් මාරු කිරීමට ගිය කාමරයේ ඇඳුම්වල සංඥා තහඩු බිම වැටී තිබෙනු දැක ඒ පිළිබඳව විමසිලිමත්වීමේදී මේ රෙදි සොරකම හෙළිවී ඇතැයි පොලිසිය කියයි.
මෙම වෙළඳසැලෙන් මෙන්ම අම්බලන්ගොඩ හා රට පුරාම ඇති තවත් රෙදි පිළි වෙළෙඳසල්වලින් සැකකාරිය මේ ආකාරයට රෙදි පිළි සොරකම් කර ඇති බවට තොරතුරු අනාවරණය වූ බව ද පොලීසිය කියයි. අම්බලන්ගොඩ පොලිසිය මේ පිළිබඳව වැඩිදුර පරීක්ෂණ පවත්වයි.
(කරන්දෙණිය එම්.සුසිල් ප්රියන්ත )