“අපි හිතුවේ, අපෙන් කිසිවෙක් මහලු පුද්ගලයන් සමඟ ජීවත් වෙන්නේ නැහැ
කියා පමණය. තිබෙන නීතිද ඉතා පැටලිලි සහගතය. මං නිසා වෙනත් පුද්ගලයෙකු රෝගී වේයැයි මා සිතන්නේ නැත” මයිකල් අදහස් දැක්වීය. එදින පැවති සාදය තමා “මෙතක් සහභාගි වී ඇති සුපිරිම සාදවලින් එකක්” බව මිකායෙල් පැවසීය. සාදයෙන් දින කිහිපයකට පසුව නැවතත් ආච්චිට ඇමතුමක් ලබාගත් මිකායෙල්, වෙළඳසැලට යන විට මුහුණු ආවරණය පැළඳ යන ලෙස ඇයට මතක් කළේය.
නව කොරෝනා වෛරසය ව්‍යාප්තිය ආරම්භ වූවායින් පසුව මෙවන් බොහෝ සිදු වීම් අසන්නට දකින්නට ලැබීය.
ඇබර්ඩීන්වල සුරාසැල්වල වසංගතය ව්‍යාප්ත වන අයුරුත් බටහිර එංගලන්තයේ නෑදෑයන් බැලීමට නිවෙස්වලට ගිය පුද්ගලයන් අතර එය පැතිර යන අයුරුත් දක්නට ලැබූ බව වාර්තා විය. මෙම සති අන්තයේදී ප්‍රෙස්ටන් නගර කවුන්සිලය සඳහන් කළේ “වයස්ගත පුද්ගයන්ව මරන්න එපා” කියා පණිවිඩයක් මූලිකවම තරුණ පිරිසට ලබා දීමට සිදු වූ බවය.
වයස අවුරුදු 50ට වැඩි පුද්ගලයන්ට නිවසටම වී සිටින ලෙස නි‍යෝගයක් නිකුත් කිරීම පිළිබඳව සලකා බැලීමට බොරිස් ජොන්සන් සූදානමින් සිටින බව ඉරු දින විදෙස් පුවත්පත්වල සඳහන් විය. මීට විරෝධය එල්ල වීමට වැඩි වේලාවක් ගත වූයේ නැත.
“50න් ඉහළ පුද්ගලයන්ව ලොක් ඩවුන් කිරීමට පෙර තරුණයන්ගේ සමාජ දුරස්ථභාවය ඇති කරන්න” කියා බොරිස්ට අනතුරු ඇඟවීම් එල්ල වී ඇති බව සඳහන්ය.
“මුල් ලොක්ඩවුන් කාලයේ දක්නට ලැබූ විශිෂ්ටම දෙයක් වන්නේ සියලුදෙනාම වචනාර්ථයෙන් එකමුතුව සිටීමය. නමුත් එය වෙනස් වූ විට විවිධ වයස් මට්ටම්වල පුද්ගලයන්ගේ ක්‍රියාකලාපය හේතුවෙන් මිනිසුන් අතර බෙදීම් ඇති වෙනවා.” රාජකීය විද්‍යාල ලන්ඩන් ප්‍රතිපත්ති ආයතනයේ සභාපති බොබී ඩෆී සඳහන් කළේය.
YouGov දත්ත පෙන්වා දෙන්නේ වැඩිම ආර්ථික බලපෑම සිද්ධ වී තිබෙන්නේ තරුණයන්ට බවය. මේ අතර වයස හේතුවෙන් වැඩිහිටි පුද්ගලයන් අසාධාරණයට ලක් වන බවද අසන්නට ලැබේ. “වයස අවුරුදු 50ට වැඩි පුද්ගයන්ව නිවසට හිර කිරීමට සැරසීම කනගාටුදායක කරුණක්” ඒජිං බෙටර් නම් ආයතනයේ කැත්රීන් ෆුට් සඳහන් කරයි. ඇතැම් මාධ්‍යවල සඳහන් වෙනවා වගේ තරුණයන්ගේ ක්‍රියාකලාපය හේතුවෙන් විවිධ වයස් කණ්ඩායම් අතර භේදයක් වර්ධනය වී නැති බව මෙම ලිපියේ කර්තෘ සඳහන් කරයි.
“බොහෝ විට ප්‍රධාන වශයෙන් රැකියාවල නිරත වන්නේ තරුණ පරපුරය. එමෙන්ම ඔවුන් ගෙවන්නේ සංකීරණ දිවි පෙවෙතක්ය. නමුත් බොහෝ වයස්ගත වැඩිහිටි පුද්ගලයන් විශ්‍රාම ගෙන තිබේ. දරුවන්ව බලාගැනීම හෝ රැකියාවක් කිරීම පිළිබඳව ඔවුන්ට කරදර වීමට අවශ්‍ය නැත. මෙවන් සරල ජීවිතයක් ගත කරන පුද්ගලයන්ට ලොක් ඩවුන් නීතියක් ක්‍රියාත්මක කළොත් ඔවුන් ඉන් එතරම් බාධාවට පත් වන්නේ නැත.”
17 හැවිරිදි එමිලි සහ ඇගේ මව එමා ලොක්ඩවුන් කාල සීමාවේදී ජීවත් වී තිබෙන්නේ චෙල්ටන්හැම්වල 79 හැවිරිදි ශීලාගේ නිවසේය. ඒ UK හෝම්ශෙයා නම් වැඩසටහන යටතේය. එම වැඩසටහනේදී සිදු වන්නේ තරුණ පුද්ගලයන් වයස්ගත පුද්ගලයන් සමඟ නොමිලයේ ඔවුන්ගේ නිවසේවල නතර වීමය. එම තරුණ පිරිස් නවාතැන් ගන්නා නිවසේ වත්ත පිටියේ වැඩද සිදු කරයි. මෙවැනි සැලැස්මක් යටතේ කණ්ඩායම් දෙකම සතුටක් ලබන බව සඳහන්ය.
“මට ඒකෙන් සතුටක් ලබන්න බැරි වෙයි කියලා මම භයෙන් හිටියේ. ඒත් එහෙම නැහැ. අපි කතාබහ කරනවා. කාලය ගත කරනවා. මගේ ඉස්කෝලේ අයටත් වඩා ලස්සන කතන්දර ශීලා දන්නවා” එමිලි පැවසීය. ශීලාද මොවුන් සමඟ කාලය ගත කිරීම අපහසු වේ යැයි මුලින් බියෙන් පසු වුවද දැන් එය එසේ නොවන බවත් ඇය විශාල සතුටක් ලබන බවත් පවසයි.
එමනිසා මෙවැනි වගකීම් විරහිත හැසිරීම් තරුණයන් තුළ දක්නට ලැබුණද තරුණයන් එසේ කරන්නේ වැඩිහිටියන්ට එරෙහි වීමක් ලෙස පැවසිය හැකිද කියා මෙම ලිපියේ කර්තෘ ආචි බ්ලෑන්ඩ් ප්‍රශ්න කරයි.
(UKහි “ද ගාඩියන්” ඇසුරිනි)
එස්. දහනායක
