මහජනතාවගේ ආරක්ෂාවට තර්ජනයක් බවද ඇය පෙන්වා දෙයි.
සිරියාව තුළ ඉස්ලාම් රාජ්‍යය පරාජයට පත්කිරීමෙන් අනතුරුව ෂමීමා බෙගම් මේ වනවිට එරට සරණාගත කඳවුරක වාසය කරයි. ජිහාඩ් සටන්කරුවන්ට දාව ඇය දරුවන් බිහිකර ඇති අතර, ඔවුන් සියලු දෙනාම මේ වනවිට මරණයට පත්ව ඇතැයිද පැවසෙයි. ඇයට එරෙහිව චෝදනා විමර්ශනයට බ්‍රිතාන්‍ය රජය කටයුතු යොදා ඇති අතර, ඒ යටතේ ඇය යළිත් එරටට ගෙන්වා ගැනීමට යෝජනා ඉදිරිපත් ව තිබේ.
බ්‍රිතාන්‍යයේ උසස් පාසලක අධ්‍යාපනය ලබමින් සිටි ෂමීමා බෙගම් සිරියාවේ IS සටන්කරුවන් හා එක්වීමට යන්නේ එම සංවිධානය ලොව පුරා දරුණු භීෂණයක් ඇති කරමින් සිටින පසුබිමකය. ඇය සිය මිතුරියන් දෙදෙනකුද සමග තුර්කිය හරහා සිරියාවට ගොස් තිබුණි. එහිදී ඇයට දරුවන් තිදෙනෙකු ලැබී ඇති අතර, ඔවුන් සියලු දෙනාම මරණයට පත්ව තිබේ. මේ වනවිට ඇගේ වයස අවුරුදු 20කි. බ්‍රිතාන්‍ය අගමැති බොරිස් ජොන්සන් පසුගියදා ප්‍රකාශයක් සිදුකරමින් ෂමීමා බෙගම් නැවතත් බ්‍රිතාන්‍යය වෙත ගෙන්වා ගැනීම සඳහා වන නීතිමය සහාය ලබා දීම සම්බන්ධයෙන් විමසා සිටින බව පවසා ඇත.
