රුපියල් ලක්ෂයකට අධික වටිනා මෙම ටයර් දෙක සැකකරුට අයත් කැලණිය ගෝනවල ප්‍රදේශයේ නිවසක තිබී සොයාගත් බව ද පොලිසිය කියයි. මෙම ලොරි රථය වසරකට ආසන්න කාලයක් මෙම ස්ථානයේ නවතා තබා ඇති අතර එයට කිසිදු ආරක්ෂාවක් ද ලබා දී නොමැති බව උසස් පොලිස් නිලධාරියෙක් පැවැසීය.
ප්‍රධාන සැකකරුගේ ප්‍රකාශ අනුව සෙසු සැකකරු ද අත්අඩංගුවට ගෙන ඇත. බස්නාහිර පළාත භාර ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් මහතාගේ අධීක්ෂණය යටතේ, කොළඹ මධ්‍යම කොට්ඨාස භාර ජ්‍යෙෂ්ඨ පොලිස් අධිකාරී නිශාන්ත ද සොයිසා, සහකාර පොලිස් අධිකාරි කමල් කිරිඇල්ල යන මහත්වරුන්ගේ උපදෙස් මත කොටුව පොලිස් ස්ථානාධිපති ප්‍රධාන පොලිස් පරීක්ෂක සාගර ලියනගේ මහතාගේ මෙහෙයවීමෙන් අපරාධ විමර්ශන අංශයේ ස්ථානාධිපති ප්‍රධාන පොලිස් පරීක්ෂක වීරසූරිය, උප පොලිස් පරීක්ෂක වැලිවත්ත, සැරයන් (47826) රත්නායක, කොස්තාපල්වරුන් වන පෙරේරා (69844) ප්‍රේමලාල් (74988) යන මහත්වරු පරික්ෂණ පවත්වා සැකකරුවන් අත්අඩංගුවට ගත්හ. සැකකරුවන් ඊයේ (26) දින කොටුව මහෙස්ත්‍රාත් අධිකරණයට ඉදිරිපත් කිරීමට නියමිතව සිටියේය.
(ඉන්දිකා රාමනායක)
