මෙසේ සැකපිට අත්අඩංගුවට ගනු ලැබ ඇත්තේ කිරිඳිවැල ප්‍රදේශයේ දේවාලයක කපුවකු බව පොලිස් විශේෂ කාර්ය බළකායේ ජ්‍යෙෂ්ඨ නිලධාරියෙක් ලංකාදීපයට ඊයේ (05) පැවසීය.
එල්ටීටීඊ සංවිධානය මෙරට ක්‍රියාත්මක වූ කාලයේ එහි නායක මට්ටමේ අය මෙම වර්ගයේ පිස්තෝල පරිහරණය කළ බවත් හිටපු කොටි සාමාජිකයකු මගින් මෙය පාතාලයට ලැබෙන්නට ඇති බවටත් පොලිස් විශේෂ කාර්ය බළකාය සැකකරයි. කුඩු නිලාන් නැමැත්තාගේ බිරියද මත්ද්‍රව්‍ය ජාවාරමක් සම්බන්ධයෙන් සිරදඬුවම් විඳින අතර ඇය පොලිසියට කොටුවීමට කලින් මෙම අවිය කපුවාට දී ඇති බවද පොලිසිය පැවසීය.
පොලිස් විශේෂ කාර්ය බළකායේ අණදෙන නිලධාරි නියෝජ්‍ය පොලිස්පති වරුණ ජයසුන්දර මහතාගේ උපදෙස් මත එහි සංවිධානාත්මක අපරාධ මර්දන හා බුද්ධ කොට්ඨාසයේ අධ්‍යක්ෂ ජ්‍යෙෂ්ඨ පොලිස් අධිකාරී ශාන්ත රත්තපිටිය සහ සහකාර පොලිස් අධිකාරි ප්‍රසාද් කොඩිතුවක්කු යන මහත්වරුන්ගේ මෙහෙයවීම යටතේ මෙම වැටලීම සිදුකර වැඩිදුර පරීක්ෂණ පවත්වාගෙන යයි.
(ශ්‍රීනාත් ප්‍රසන්න ජයසූරිය, කිරිඳිවැල උපාලි රණවීර)
