ගාස්තු දෙකක් අය කළද මේ වන විට සාමාන්‍ය බස් සේවාව සහ අර්ධ සුඛෝපභෝගී බස් සේවාව සම පහසුකම් ලබාදෙමින් ධාවනයේ යෙදෙන බැවින් එම බස් සේවාව අහෝසි කළ යුතු බවට පෞද්ගලික බස් රථ හිමියන් විසින් පසුගියදා ඉල්ලීමක් කර තිබුණි.
මේ වන විට සාමාන්‍ය සේවා බස් රථ දාහත්දාහසක් දිවයින පුරා ධාවනය වන අතර අර්ධ සුඛෝපභෝගී බස් රථ ධාවනය වන්නේ හාරසියවිසිතුනක් පමණි.මේ අතර පසුගියදා ජනාධිපතිවරයාගේ ප්‍රධානත්වයෙන් සියලු පොදු ප්‍රවාහන අංශවල බලධාරීන් එක්ව පැවති සාකච්ඡාවේදී ගත් තීරණ කඩිනමින් ක්‍රියාත්මක කිරීමට පියවර ගන්නා බවද ලේකම්වරයා පැවසීය.
කෙසේ නමුත් කිසි ලෙසකින්වත් බස් ගාස්තු වැඩි නොකරන බව පසුගියදා මගී ප්‍රවාහන කළමනාකරණ ඇමැති මහින්ද අමරවීර පවසා තිබූ අතර මේ වන විට බස් රථවල කාලසටහන ක්‍රියාත්මක වීම සහ ආසන ගණනට මගීන් ගෙනයාම පිළිබඳව නිරීක්ෂණය සඳහා පොලිසියද යොදවා තිබේ.
ශිරන්තනි මානවඩු
