එක්සත් ජනපදයට පසුව ගෝලීය වශයෙන් COVID-19 ආසාදිතයන්ගේ දරුණු මාතෘකාවක් බ්‍රසීලය විසින් දැන් සපයා ඇත.වෛරසයෙන් එරට පුද්ගලයන් 25,000කට වැඩි පිරිසක් මියගොස් ඇති අතර, විශේෂඥ මතය අනුව අගෝස්තුව වනවිට මරණ සංඛ්‍යාව දෙගුණයක් වීමට පුළුවන. රෝහල් සහ සොහොන් බිම් එක හා සමානව ඔවුන්ගේ සීමාවන් ඉක්මවමින් සිටින්නේ, අහිංසක ආදීවාසී ජනතාවගේද ඉරණමෙ විසඳමිනි.
බ්‍රසීලයෙන් විමසන්නේ වසංගතය පාලනයෙන් තොර වූයේ කෙසේද යන්නයි. නමුත් බ්‍රසීල ජනාධිපතිවරයා මෙන්ම, ඔහුගේ අනුගාමිකයන්ටද අනුව තවමත් මෙය බරපතළ තත්ත්වයක් නොවේ. ඊට හොඳම උදාහරණ සපයන්නේ නව කොරෝනා වෛරසය හෝ එහි ව්‍යාප්තිය පිළිබඳ විමසන විට බොල්සොනාරෝ ලබාදෙන පිළිතුරුය.
"මම මොනවද කරන්න ඕන? මට ආශ්චර්යයක් කරන්න බෑ." මේ ඔහුගේ එක් පිළිතුරකි. බ්‍රසීලය තුළ වෙරසය පැතිරීම ආරම්භයේ සිට මේ දක්වා බොල්සොනාරෝ කීවේ, කළේ මොනවාද යන්න සැකෙවින් මෙසේය.
1වැනි මරණය
මාර්තු මාසය වනවිට වෛරසය රට තුළ පැතිරීම ආරම්භ වෙමින් තිබූ අතර, පළමු වැනි මරණය මාර්තු 17දා සිදුවිය. නමුත් ජනප්‍රිය නොවන නිරෝධායනය සහ ලොක්ඩවුන් පියවර බොල්සොනාරෝ සමච්චලයට ලක් කළේය. ඒවා සිදුකිරීමට උනන්දු වූ ප්‍රාන්ත ආණ්ඩුකාරවරුන් මෝඩයන් සේ සැලකීය.
"අපේ ජීවිතය ඉදිරියට යා යුතුයි. රැකියා පවත්වා ගත යුතුයි” මාර්තු 24දා ඔහුගේ පිළිතුර විය.
.
මරණ 1,000ක්
අප්‍රේල් 10දා එරට මරණ 1,000ක් වාර්තා විය.නමුත්ජනාධිපතිවරයාගේ වචන සහ හැසිරීම තවමත්
වෛරසයට සූදානම් බවක් නොපෙන්වීය. බේකර් අවන්හලක මුඛ ආවරණයක් හෝ නොමැතිව, තම ආධාරකරුවන් බදා ගනිමින්, සමාජ දුරස්ථකරණය. තඹයකට මායිම් නොකරමින් ඔහු හැසිරුණේය.
මරණ 5,000ක්
ආර්ථිකය හා සෞඛ්‍යය මේ මොහොතේ රෝගාබාධ දෙකක් ලෙස සැලකිය යුතු යැයි ඔහු කීවේය. “ඔබට එකකට සැලකිය නොහැකියි. අනෙකා නොසලකා හැරිය නොහැකියි." අප්‍රේල් මස 29දා වනවිට බ්‍රසීලය මරණ 5000ක් ඉක්මවා ගියේය.
ඉතින් මොකක්ද? කනගාටුයි, නමුත් මම මොනවද කරන්න ඕනෙ?" ඔහුගේ මුල්ම පිළිතුර විය. පසුව ඔහු තවදුරටත්, "වෛරසය හේතුවෙන් අප දැනට ජීවත්වන තත්ත්වය ගැන මට කනගාටුයි. ආදරණීයයන් අහිමි වූවන්ට, බොහෝ දෙනෙකුට, වයස්ගත වූවන්ට අපගේ සහයෝගය ප්‍රකාශ කරනවා. නමුත් ඔය තමයි, ජීවිතය. එය හෙට මට විය හැකියි." යනුවෙන් කියා සිටියේය.
මරණ 10,000ක්
ආර්ථිකය කඩා වැටීමට ඉඩ ඇති බව කියමින් මැයි 7දා නිරෝධායන පියවර ලිහිල් කිරීමට කටයුතු කළේය. ඉන් දින දෙකකට පසු බ්‍රසීලයේ මරණ 10,000ක් ඉක්මවා ගියේය.
"අගුලු දැමීම, සියල්ල වසා දැමිම පිළිබඳ මේ කතාව, එය නොවෙයි මාර්ගය. එය අසාර්ථක වීමේ මාවතයි. බ්‍රසීලය බිඳ දැමීමේ මාර්ගයයි.” “සෞඛ්‍යාරක්ෂාව අත්‍යවශ්‍යයි. නිසැකවම. රූ සපුවේ අලංකාරය අත්‍යවශ්‍යද කියා මම දන්නෙ නෑ."
මරණ 15,000ක්
මැයි 16දා බ්‍රසීලයේ මියගිය සංඛ්‍යාව 15,000ක් ඉක්මවා ගියේය. එදින බොල්සනාරෝ බ්‍රසීලියා හි පිහිටි සිය නිල නිවසෙන් පිටත තවත් රැලියකට ඒක්විය. ඊළඟ දිනයේදී බ්‍රසීලය එක්සත් රාජධානිය අභිභවා ලෝකයේ තුන්වැනි වැඩිම ආසාදිතයන් වාර්තා වන රට බවට පත්විය.
දින කිහිපයක් ඇතුළත බ්‍රසීලය කොරෝනා ශ්‍රේණිගත කිරීම්වල, එක්සත් ජනපදය හැර ලෝකයේ වැඩිම ආසාදිතයන් වාර්තා වන රට බවට පත්වූයේ රුසියාවද අභිභවා ගොසිණි. මැයි 21දා වනවිට මරණ 20,000ක් වාර්තා විය.
එදින රාත්‍රියේ බොල්සොනාරෝ අගනුවර හොට්ඩෝග් කරත්තයක් අසල නැවතී සිය ආධාරකරුවන් පිරිවරා හොට්ඩෝග් රස වින්දේය. නමුත් කෝපාවිෂ්ඨ වූ විරෝධතාකරුවන් "මිනීමරුවා” යනුවෙන් අවටින් කෑ ගසන හඬ ජාත්‍යන්තර මාධ්‍යවල ප්‍රචාරය විය.
මරණ 25,000ක්
බ්‍රසීලයේ සෞඛ්‍ය අමාත්‍යාංශය බ්‍රසීලයේ ජාතික මරණ සංඛ්‍යාව 25,598ක් බව බදාදා (27දා) නිවේදනය කළේය. බ්‍රසීලයේ ප්‍රාන්ත ආණ්ඩුකාරවරුන් ප්‍රාන්ත අගුලු දැමීම හා සමාජ දුරස්ථකරණ ක්‍රියාමාර්ග ප්‍රවර්ධනය කරද්දී, ජනප්‍රිය. නොවූ එම ක්‍රියාමාර්ගවල අපකීර්තිය ඔවුන් වෙත පටවා, ජනප්‍රිය තීරණ ගැනීම බොසොනාරෝන්ගේ උපාය මාර්ගය විය. නමුත් ඔහුගේ ආදර්ශය අනුගමනය කළ බ්‍රසීල වැසියන්ට සිදුවූයේ තමාගේ වළ තමන්ටම කපා ගැනීමටය. බොසොනාරෝ මෑතක සිට වෛරසයට එරෙහි සටන 'යුද්ධයක්' ලෙස හැඳින්වීමට පටන් ගෙන ඇතත්, ආර්ථික එකතැන පල්වීම වෛරසයට වඩා බ්‍රසීලයට හානියක් වනු ඇතැයි ඔහු දිගින් දිගටම අවධාරණය කළේය. නමුත් ආසාදිතයන් මිලියන භාගයකට ළඟා වෙද්දී, බ්‍රසීලයේ අහිංසක ජනතාව වෙනුවෙන් හැරෙන සොහොන් ගණන ඔහු වෙනුවෙන් ආපසු හැරවිය හැකිද යන්න ඔහුවත් නොදන්නා බව නම් පැහැදිලිය.
