ඒ අනුව
කොටහේන මධ්‍ය විද්‍යාලය , බත්තරමුල්ල සුභුති විද්‍යාලය ආදී විද්‍යාල මේ සඳහා දැනටමත්
යොදාගෙන ඇති අතර රාජකීය විද්‍යාලය, තර්ස්ටන් විද්‍යාලය, හින්දු විද්‍යාලය, මහානාම
විද්‍යාලය, ඩි.එස්. සේනානායක විද්‍යාලය ඇතුලු කොළඹ නගරයේ තවත් පාසල් මේ සඳහා
යොදවාගැනීමට රජය තීරණය කර ඇත.
තර්ස්ටන් විද්‍යාලය නාවික හමුදා සාමාජිකයන් වෙනුවෙන් ද මහානාම විද්‍යාලය යුද්ධ හමුදා
සාමාජිකයන් වෙනුවෙද දැනටමත් නිරෝධායන මධ්‍යස්ථාන ලෙස භාවිතා කිරිමට කටයුතු ආරම්භ කර තිබේ.
කොළඹ රාජකීය විද්‍යාලයේ ප්‍රාථමික අංශය , ඩී.එස්. සේනානායක විද්‍යාලය හා කොළඹ හින්දු
විද්‍යාලය හෙට (28) සිට මෙම කටයුතු ආරම්භ කිරීමට නියමිතය.
රාජකාරියේ නිරතව සිටි ආරක්ෂත අංශ සෙබලුන් නිවෙස්වෙත පිටත් කිරීමට පෙර මෙලෙස දින 14 ක් මෙම
පාසල් වල රදවා තබන අතර නිවෙස්වල සිට නැවත රාජකාරියට වාර්තාකරන ආරක්ෂක අංශ සෙබලුන්ට
සේවය ලබාගැනීමට පෙර මෙලෙස දින 14 ත් රදවා තැබීමට නියමිතට.
මෙම පාසල් නිරෝධායන මධ්‍යස්ථාන ලෙස යොදාගැනීමට රජය මගින් ඉල්ලා ඇතිදැයි එම පාසල් වල
විදුහල්පතිවරුන්ගෙන් විමසු අවස්ථාවේදී ඔවුන් සඳහන් කළේ නිරෝධායන මධ්‍යස්ථාන ලෙස යොදාගන්නා
බවක් සඳහන් නොකළ බවත් ආරක්ෂක අංශ සේවකයින් රදවා තැබීමට පාසල් ලබාගැනීමට ඉල්ලීම් කළ බවය.
නැවත දැනුම්දෙනතුරු එම පාසල් ආරක්ෂක අංශ සඳහා ලබාගෙන ඇති බවය.
අධ්‍යාපන අමාත්‍යාංශයේ ලේකම් එන්. එච්. එම්. චිත්‍රානන්ද මහතාගෙන් මේ සම්බන්ධයෙන් විමසු
අවස්ථාවේදී හෙතෙම පැවසුයේ ආරක්ෂක අංශ වලට පහසුකම් සැපයීම සඳහා පාසල් ලබාගැනීමට විමසු
බවත් ඒ අනුව එම පාසල් ලබාදුන් බවත්ය. මීට අමතරව ආරක්ෂක අංශ වෙත පහසුකම් සැපයීමට
අවශ්‍යනම් පාසල් ලබාදෙන ලෙස අනිකුත් පාසල් වල විදුහල්පතිවරැන්ට ද දැනුම්දී ඇති බවද හෙතෙම
සඳහන් කළේය.
(චාමර සම්පත්)
