මතුගම යටදොළ පයාගල පාරේ දක්ෂිණ අධිවේගී මාර්ග පාලමක පැති බිත්තියක චිත්‍ර අදිමින් සිටි චිත්‍ර ශිල්පියෙකු පලංචියකින් වැටී සිදුවූ අනතුරකින් ඊයේ (03දා) මියගොස් ඇති බව මතුගම පොලීසිය පවසයි.
මෙසේ මිය ගොස් ඇත්තේ පන්සල අසළ, යටදොළ, නවුත්තුඩුව පදිංචි ඩී.එම්. විජේරත්න නම් 75 හැවිරිදි ජනාධිපති සම්මානලාභී චිත්‍ර හා මූර්ති ශිල්පියෙකි.
ඒ අනුව එම චිත්‍ර ඇඳීමේ කටයුත්තේ ප්‍රධානත්වය ගෙන කටයුතු කළ මෙම චිත්‍ර ශිල්පියා ඊයේ උදෑසන තමාගේ උදව්වට සිසුවකුද සහභාගී කරගෙන චිත්‍ර ඇඳීමේ නිරත වී ඇත. එසේ චිත්‍ර ඇඳීමේ නිරතවෙමින් සිටියදී උඩ නැග සිටි පලංචියෙන් බිමට ඇද වැටී ඔහු අනතුරට පත්වී ඇති අතර පසුව ප්‍රදේශවාසීන් විසින් ත්‍රිරෝද රථයකින් කටුගහහේන රෝහලට ඇතුළත් කර ඇත. අනතුරුව එම රෝහලෙන් වැඩිදුර ප්‍රතිකාර සඳහා නාගොඩ රෝහලට මාරු කර යවා ඇති අතර නාගොඩ රෝහලේ හදිසි ප්‍රතිකාර ඒකකයේ ප්‍රතිකාර ලබමින් සිටියදී ඔහු මියගොස් ඇති බව රෝහල් ආරංචි මාර්ග පැවසීය.
මේ පිළිබඳව අදහස් දැක්වූ මතුගම ප්‍රාදේශීය සභාවේ මන්ත්‍රී සුදේශ් ලක්මාල් ජයවර්ධන මහතා,
දේහය නාගොඩ රෝහලේ තැත්පත්කර ඇති අතර මතුගම පොලීසියේ මූලස්ථාන පොලිස් පරීක්‍ෂක පරාක්‍රම උඩවත්ත මහතා ඇතුළු නිලධාරිහු වැඩිදුර පරීක්ෂණ පවත්වති.
