හෙතෙම මේ බව පවසා සිටියේ, බත්තරමුල්ල, නෙළුම් මාවතේ පිහිටි ශ්‍රී ලංකා පොදුජන පෙරමුණු මුලස්ථානයේදී ඊයේ (10දා) පැවති මාධ්‍ය හමුවකට එක්වෙමිනි.
"සම සභාපතිත්වය කියන්නේ හුදෙක් කටකතාවක් විතරයි. ශ්‍රී ලංකා පොදුජන පෙරමුණට ඉන්නේ එකම නායකයායි. ඒ මහින්ද රාජපක්‍ෂ මැතිතුමායි. වෙනත් පක්‍ෂවල නායකයන් ගැන අපට අදාළ නෑ. අභියෝගවලට අපි බය නෑ. 113 අපට කිසිම ප්‍රශ්නයක් නෑ. ඒ වගේම තමයි යහපාලන රජය අත්සන් කළ ගිවිසුම් අපි කිසිසේත්ම පිළිගන්නේත් නෑ.
එක්සත් ජාතික පක්‍ෂය ප්‍රමුඛ නව සන්ධානයට අපි නමක් යෝජනා කරනවා. ඒ තමයි 'එක්සත් ජාතික රට විනාශ කළ සන්ධානය' කියන නම. ලකුණ තමයි 'කොකා'. සැමටම කොකා පෙන්වූ පක්‍ෂය ලෙස ඒ නම අපි යෝජනා කරනවා. පාස්කු ප්‍රහාරය, මහ බැංකු කොල්ලය වගේ නැව් පිටින් ගිලපු අය ඒ කණ්ඩායමේ ඉන්නේ. සජිත් ප්‍රකාශ කළා බලය දීලා කකුලෙන් අදින්න එපා කියලා. ජනාධිපති වෙන්න බැරිවුණ සජිත්ට පුළුවන්ද අගමැති වෙන්න?" යනුවෙන් පවසා සිටියේය.
-නිදර්ශනී වික්‍රමසිංහ-
