ඔවුන් තවදුරටත් රාජකීය නම්බුනාම භාවිත නොකරන බවත් එසේ වුවත් ඔවුන්ට සසෙක්සි ආදිපාදවරයා සහ ආදිපාදවරිය යන ගෞරව නාම භාවිත කළ හැකි බවත් රජ මාලිගය සඳහන් කළේය. බ්‍රිතාන්‍යයේ ඔටුන්න හිමි හැරි කුමරු සහ ඔහුගේ බිරිඳ මේගන් මාකල් බ්‍රිතාන්‍ය රජ පවුලෙන් ඉවත්වන බව ඉකුත් දා
එම තීරණයන් සමඟ රජ මාලිගයේ තරමක කලබලයක් ඇති වූ අතර දෙවැනි එළිසබෙත් මහ රැජින හදිසි හමුවකද කැඳවූවාය. එම හමුවට බ්‍රිතාන්‍යයේ ඔටුන්න හිමි චාල්ස් කුමරු සහ හැරී කුමරුගේ සහෝදරයා වන විලියම් කුමරු ද එක්විය. රාජකීය හා නිල කටයුතු අඩුකර උතුරු ඇමෙරිකාවේ වැඩි කාලයක් නිදහසේ ගතකිරිමට අවශ්‍ය බව හැරි හා මෙගන් යුවළ සිය තීරණය දැනුමදෙන අවස්ථාවේදී ඊට හේතු වශයෙන් ප්‍රකාශ කළහ.
හැරි - මේගන් යුවළට මාස 8ක පුතෙක් ද සිටී. ඔහු ආර්චී මවුන්ට්බැට්න්ය. හැරී, මෙගන් සහ ආර්චීට සෑම විටම පවුලේ ආදරය හිමිවෙනවා. අපි සැවොම හැමදාමත් ඔවුන්ට ආදරෙයි" යැයි දෙවැනි එළිසබෙත් රැජින යුවළගේ තිරණයට ඉඩ හා අවසරය දෙමින් පැවැසුවාය. එළිසබෙත් රැජින මේ සම්බන්ධයෙන් නිවේදනයක් ද නිකුත් කළාය. "ඔවුන් පසුගිය අවුරුදු දෙකේදී මුහුණ දුන් අභියෝග සහ දුෂ්කරතා මා හදුනාගත්තා. ඒ නිසා පෞද්ගලික හා ස්වාධින ජීවිතයක් ගෙවීමට ඔවුන් ගත් තීරණයට මා සහාය දෙනවා” යැයි මහ රැජින නිකුත්කළ එම නිවේදනයේ දැක්විණි.
