ගාල්ල කොටුවේ පැරණි තැපැල් කාර්යාල ගොඩනැගිල්ලේ බිත්තියක් ඉකුත් 7 වැනි දින රාත්‍රි සම්පූර්ණයෙන්ම කඩා වැටීමෙන් පසු අනතුරුදායක ඉතිරි කොටස් සියල්ල ද පැය විසි හතරක් ඇතුළත
ඉවත් කිරිමට පියවර ගන්නා ලෙස පැවති ගාල්ල දිස්ත්‍රික් සම්බන්ධීකරණ කමිටුව ගාලු උරුමය පදනමට ඊයේ (09) නියෝග කළේය. ඒ සඳහා ගාල්ල මහ නගර සභාව, නාගරික සංවර්ධන අධිකාරිය, පුරාවිද්‍යා දෙපාර්තමේන්තුව ද සහාය කර ගන්නා ලෙසත් කමිටුව උපදෙස් දුන්නේය. සම්බන්ධීකරණය කමිටුවේ සභාපති ගාල්ල දිස්ත්‍රික් පාර්ලිමේන්තු මන්ත්‍රී චන්දිම වීරක්කොඩි මහතාගේ ප්‍රධානත්වයෙන් දිස්ත්‍රික් ලේකම් කාර්යාලයීය ශ්‍රවණාගාරයේ දී රැස්වීම පැවැත්විණි.
ගොඩනැගිල්ල කඩාවැටීම සම්බන්ධයෙන් පැමිණ සිටි මැති ඇමතිවරුන් අදහස් දැක්වීමේ දී ගාලු
වැවිලි කර්මාන්ත හා අපනයන කෘෂිකර්මාන්ත අමාත්‍ය රමේෂ් පතිරණ මහතා පැවසුවේ අනතුරුදායක කොටස් ඉවත් කළ යුතු බවය. ඒ අනුව අද දිනයේම ගොඩනැගිල් අනතුරුදායක කොටස් ඉවත් කළ යුතු බවට කමිටුව තීරණය කළේය. ඒ සඳහා පියවර ගන්නා ලෙස ගාලු උරුමයට උපදෙස් දුන් කමිටුව නාගරික සංවර්ධන අධිකාරිය, ගාල්ල මහ නගර සභාව, පුරාවිද්‍යා දෙපාර්තමේන්තු ආදී ආයතනවල සහාය ලබා ගත්තා ලෙසට ද උපදෙස් දුන්නේය.
-ඩී.ජී.සුගතපාල-
