පොලිසස් නිලධාරින් නිවස වටලද්දි ඔවුන් පලාගොස් ඇතැයි බණ්ඩාරගම පොලිසිය කියයි. පහර කෑමට ලක් වූ කාන්තාවන් බරපතළ තුවාල සහිතව රෝහල් ගත කළ බව පොලිසිය කියයි. එම නිවස තුළ තිබී පලාගිය පුද්ගලයන් රැගෙන ආ බව කියන උල්පීහි දෙකක් හා නිවස ආසන්නයේ නවතා තිබූ ව්‍යාජ අංක යෙදු යතුරු පැදියක් ද පොලිසිය බාරයට ගෙන ඇත.
තාප්පයකින් වට කර දේවාලයක් පවත්වාගෙන යන නිවසක් ආසනයේ හිමිකරුවෙකු නොමැති යතුරුපැදියක් තිබෙන බවට ප්‍රදේශවාසියෙකුගෙන් ලද තොරතුරක් අනුව එහි ගිය පොලිස් නිලධාරියෙකුට එහි එකිනෙකට වෙනස්
වහා ක්‍රියාත්මක වූ ස්ථානාධිපතිවරයා පොලිස් නිලධාරින් කිහිප දෙනෙකු එම නිවස වෙත පිටත් කර හැරිය ද අඩි දහයක් පමණ උසැති තාප්පය මෙන්ම එහි ගේට්ටුවට ඉබි යතුරු දමා තිබීමෙන් එම නිවස වෙත ක්ෂණිකව ළඟි වීමට නොහැකි වූ බව පොලිසිය කියයි. පොලිස් නිලධාරින් ඉනිමගක් ආධාරයෙන් තාප්පය මගින් නිවස පිහිටි භූමියට ඇතුළු වී පොලිසියෙන් බව හඟවා දොර විවෘත කරන ලෙස පැවසුව ද නිවස තුළින් කෙදිරිලි හඩක් පමණක් ඇසී ඇතැයි පොලිසිය කියයි. පොලිස් නිලධාරින් ඉදිරිපස දොර කැඩිමට සුදානම් වීමත් සමග නිවස තුළ තියුණු ආයුධ වලින් සන්නද්ධව සිටි පුද්ගලයන් දෙදෙනා පිටුපස දොරන් පලාගොස් කැලෑවැදි
ඒ සැනින් අවට සෝදිසි මෙහෙයුමක් ක්‍රියාත්මක කළ ද එම අපරාධකරුවන් පලාගොස් තිබූ බව පොලිසිය කියයි. එම නිවස තුළ සිදුකළ පරික්ෂාවේදි දේවාලය පවත්වාගෙන යන කාන්තාව හා ඇයගේ මව බරපතළ තුවාල ලබා වැටී සිට ඇති අතර ඇයගේ බාල වයස්කාර දරු දෙදෙනා දැඩි ලෙස බියට පත්ව සිටි බව පොලිසිය කියයි. පැමිණි පුද්ගලයන් දෙදෙනා දේවාලය පවත්වාගෙන යන කාන්තාවගේ මවගේ ගෙල තියුණු ආයුධයකින් කැපීමේන් අධික ලෙස රුධිරය වහනය වෙමින් තිබූ බව ද පොලිසිය කියයි.
මෙම අපරාධය සඳහා පැමිණි පුද්ගලයන් දෙදෙනාගෙන් අයකු දේවාලය පවත්වාගෙන යන කාන්තාව හොදින් දන්නා හදුනන අයකු බවත් ඔවුන් මෙලෙස සිදුකිරීමට හේතුව මෙතෙක් නිශ්චිතව අනාවරණය නොවූ බවත් පොලිසිය කියයි. එම පුද්ගලයා මෙම නිවසට කාලයක සිට ආගිය පුද්ගලයකු බවට තොරතුරු ලැබී ඇතැයි පොලිසිය කියයි. තුවාල ලද කාන්තාවන් දෙදෙනා පානදුර මූලික රෝහලේ හා බණ්ඩාරගම දිසා රෝහලේ ප්‍රතිකාර ලබන බව පොලිස් නිලධාරියා වැඩිදුරටත් පැවසීය.
-බිමල් ශ්‍යාමන් ජයසිංහ-
