ජනාධිපති ආරක්ෂක අංශයට අයත් වාහන අංගනයේ ඊයේ (10) රාත්‍රී ඇතිවූ ගින්නෙන් ත්‍රිරෝද රථයක් හා යතුරු පැදි 47 ක් විනාශ වී තිබේ.

ඊයේ රාත්‍රී 10.00ට පමණ
කොළඹ 01, මුදලිගේ මාවතේ පිහිටි වාහන අංගනය තුළ මෙම ගින්න හටගෙන ඇති බව ගිනි නිවන හමුදාව සඳහන් කළේය.

ගිනි නිවීම් සේවා දෙපාර්තමේන්තුව පැවසුවේ, ගිනි නිවිම් රථ 4 ක් නිලධාරින් 20 දෙනෙකු යොදා ඊයේ රාත්‍රියේම ගින්න මැඩපැවැත්වූ බවයි.

ගින්නට හේතුව මෙතෙක් අනාවරණය වී නොමැති අතර ඒ සම්බන්ධයෙන් කොටුව පොලීසිය විමර්ශන ආරම්භ කර තිබේ.