අලෙවිය සඳහා ඇති ජල බෝතල්වල මුඩිය හොදින් සීල් කර ඇති බැවින් ඒ සඳහා අමතර පොලිතීන් වැස්මක් අවශ්‍ය නොවන බවත්, එලෙස පොලීතීන් වැස්මක් යෙදීම තුළින් අනවශ්‍ය ලෙස පොලීතීන් ප්‍රමාණයක් පරිසරයට එකතු වන බවත් ඔහු ප්‍රකාශ කළේය.
දිනකට ජල බෝතල් මිලියන 10ක් පමණ
"පානීය ජලු බෝතල මූඩිය සමග පාලිතීන් වැස්මක් තිබෙනවා. එය අනවශ්‍ය දෙයක්. බොහෝ රටවල නැහැ. ජල බෝතල්වලට මේ ආකාරයට වැස්මක් අවශ්‍ය නැහැ. මූඩිය සීල් කරලා තිබෙන්නේ. වෙළඳ පොළේ තිබන වෙනත් බීම බෝතල්වල මේ ආකාරයට පොලිතීන් වැස්මක් නැහැ. ජල බෝතලයට විතරක් මේ ආකාරයට වැස්මක් ඇවිත් තිබෙනවා. මේ නිසා ඉදිරියේදී එය තහනම් කරමින් නීතිය ඉදිරිපත් කරනවා.
ඒ වගේම ලා නිල් පැහැති වතුර බෝතල් තිබෙන්නට බැහැ. ජල බෝතල් සුදු පැහැයට තිබෙන අවශ්‍යයි. ළා නිල් පැහැති ප්ලාස්ටික් පරිසර හිතකාමී නැහැ. ඒ වගේම ප්ලාස්ටික් ප්‍රතිචක්‍රීකරණය කිරීම සඳහා අවශ්‍ය පියවර ක්‍රම ක්‍රමයෙන් ගන්න කටයුතු කරනවා" යනුවෙන් කියා සිටියේය.
-චාමර සම්පත්-
