තරගයේ මුල් දිනවල වර්ෂාව බාධා කළ නිසා ශ්‍රී ලංකා මුල් ඉනිම ඉතා මන්දගාමී වූ අතර දින 2 ක්ම ශ්‍රී ලංකාව ක්‍රීඩා කර තිබුණි.
කාසියේ වාසිය දිනා පළමුවෙන් පන්දුවට පහර දුන්
ටොම් ලේතම් ලකුණු 154ක් ලබා ගැනීම මෙහිදී විශේෂිත විය.
දෙවන ඉනිම ක්‍රිඩා කිරිමට පිටියට පිවිසි ශ්‍රී ලංකා කණ්ඩායමේ පළමු කඩුලු 05 ලකුණු 32ක් තුළදී බිද වැටුණ අතර ශ්‍රී ලංකා පිලේ සියලුදෙනා ලකුණු 122කට දවා ගැනීමට නවසීලන්ත පන්දු යවන්නන් සමත් විය.
ඒ අනුව නවසීලන්ත පිල ලකුණු 187ක් ඉදිරියෙන් සිටිමින් ජයගත්තේය.
ශ්‍රී ලංකා පිලේ නිරෝෂන් දික්වැල්ල ලකුණු 51ක් රැස්කර ගත් අතර, නායක දිමුත් ලකුණු 21ක් සහ කුසල් මෙන්ඩිස් ලකුණු 20ක් ලබාගත්තේය.අනෙකුත් කිසිදු පිතිකරුවෙකුට ලකුණු විස්සේ සීමාව පසු කිරිමට නවසීලන්ත පන්දු යවන්නන් ඉඩ ලබා දුන්නේ නැත.
පන්දු යැවීමේදී ටිම් සවුති, ට්‍රෙන්ට් බෝල්ට්, පටේල් සහ විලියම් සෝමර්විල් කඩුළු 2ක් බැගින් දවා ගැනීමට සමත් විය.
තරගයේ වීරයා සම්මානය ටොම් ලේතම්ට හිමිවිය.
මෙම ජයග්‍රහණයත් සමග තරග දෙකකින් යුත් ටෙස්ට් තරගාවලිය එකට එකක් ලෙස සම වූ අතර ජාත්‍යන්තර ටෙස්ට් ලෝක කුසලානය වෙනුවෙන් ප්‍රසාද ලකුණු 65 ක් ලබාගන්නට නවසීලන්තයට හැකි විය.
