ලොරි රථයෙන් ප්‍රවාහනය කර ඇත්තේ යාපනය දිස්ත්‍රික්කයෙන් පහ
වෑන් රථයේ ඒ වන විට පොලිස් කොස්තාපල්වරයකු ඇතුළු නව දෙනකු ගමන් කර ඇති බවත්, ඉන් හත් දෙනකු තුවාල ලබා ඇති බවත් පොලිසිය කිය. තුවාලකරුවන්ගෙන් සිවු දෙනකු කුරුණෑගල මහ රෝහලටත්, තිදෙනකු ගල්ගමුව මූලික රෝහලටත් ඇතුළත් කර ඇතැයි පොලිසිය කිය. වෑන් රථයේ ගමන් කළ ආදුරුප්පුවීදිය පොලිසියේ සේවය කරන කොස්තාපල් ප්‍රනාන්දු (84202) මහතාට ද සුළු තුවාල සිදුව තිබූ බව ද පැවසේ.
ලොරි රථයේ වේගය අඩුම කරනවාත් සමගම පිටුපසින් පැමිණි වෑන් රථයේ රියැදුරු එහි වේගය පාලනය කර ගැනීමට නොහැකි වීමෙන් ලොරියේ පිටුපස වෑන් රථය ගැටී ඇති බව විමර්ශනවල දී අනාවරණය වී තිබේ. අනතුර සිදුවන විට ලොරි රථයේ රියැදුරු සහායක හා පිළිතුරු පත්‍රවල ආරක්ෂාවට යොදවා සිටි ආදුරුප්පුවීදිය පොලිසියේ කොස්තාපල් රත්නායක (36016) මහතා ගමන් කර තිබූ බවත් ඔවුන්ට අනතුරක් සිදුව නැති බවත් පොලිසිය කීය.
අනතුර සම්බන්ධයෙන් කඩිනමින් පරික්ෂණ පැවැත්වූ අඹන්පොළ පොලිසිය පිළිතුරු පත්‍ර ප්‍රවාහනය කළ ලොරි රථය ඊයේ (5) අලුයම වන විට නිදහස් කර පිළිතුරු පත්‍ර රැගෙන යාමට අවශ්‍ය කටයුතු සම්භපාදනය කොට තිබේ. අඹන්පොළ පොලිසිය වැඩිදුර පරික්ෂණ පවත්වයි.
-නිහාල් ජයවීර-
