“ලෝක කුසලාන තරගාවලිය අවසන් වනතුරු තමයි මමත් බලා හිටියේ.
දැන් කණ්ඩායම් වෙනස්කම් කරන්න හොඳම වෙලාවයි. නමුත් මම ක්‍රිකට් පරිපාලනයට ඇඟිලි ගහන්න යන්නෙ නෑ. ශ්‍රී ලංකා ක්‍රිකට් කණ්ඩායමට ක්‍රීඩා ඇමතිවරයාටවත් ඇඟිලි ගහන්න බැරි ස්ථිර මෙහෙයුම් කමිටුවක් පත් කරන්න මම බලාපොරොත්තු වෙනවා.
සංගක්කාර,
ප්‍රධාන පුහුණුකරු ඉවත් වෙන්න සූදානම් නැතිනම් අපිට බලෙන් ඔහු ඉවත් කරන්නත් බෑ. හැබැයි අපිට එහෙම උනොත් අනිවාර්යයෙන්ම ඔහුට ඉහළින් තවත් පුහුණුකරුවෙකු වන උපදේශකවරයකු පත් කරන්න සිද්ධ වෙනවා.
මා හිතනවා ලෝක කුසලාන තරග අවසානයත් එක්ක අසංක ගුරුසිංහ මහතාගේ ශ්‍රී ලංකා කණ්ඩායමේ සේවයත් අවසන් කරන්න.
ලෝක කුසලාන තරගාවලියේදී අපි අවනම්බු සහගත පරාජයක් ලැබුවා කියලා මා හිතන්නෙ නෑ. අපි ගොඩක්ම පසුබෑමක් ලබාගත් කණ්ඩායමක් කියලා කියද්දීත් තරග තුනක් දිනා ගත්තා. ඒ වගේම කණ්ඩායමට හොඳ නායකයෙක් හඳුනා ගත්තා. අවිශ්ක ප්‍රනාන්දු වගේ හොඳ ක්‍රීඩකයන් කීපදෙනෙකුත් හොයා ගත්තා.”
