Sinhala Edition English Edition
Facebook Official Fanpage Google+ Official Page Official Twitter Account Rss Feed

Latest News

Follow Us on Youtube & Twitter

Advertisements

Trending

Advertisement

Gossip Lanka ලිපි ඔබේ Email ට ගෙන්වාගන්න

https://www.gossiplankanews.com/2019/02/media-marketing-executive-caught.html
සිය පෙම්වතිය යොදාගනිමින් මෙරට ප්‍රධාන පෙළේ කෝටිපති ව්‍යාපාරිකයකුගෙන් රුපියල් කෝටි තුනක කප්පමක් ඉල්ලු බව කියන මාධ්‍ය ආයතනයක අලෙවි විධායකයෙක් කොළඹ අපරාධ කොට්ඨාසයේ නිලධාරින් විසින් ඊයේ (01) අත්අඩංගුවට ගෙන තිබේ.
මෙම මාධ්‍ය ආයතන අලෙවි විධායකයාගේ පෙම්වතිය අදාළ ව්‍යාපාරිකයාගේ පුද්ගලික ලේකම්වරිය ලෙස
කටයුතු කර තිබෙන අතර එම කාන්තාව සමග මම  ව්‍යාපාරිකයා ඔහුගේ සුඛෝපභෝගී මෝටර් රථයේ සිටියදී ගත් ඡායාරූප සහ වීඩියෝ දර්ශන ව්‍යාපාරිකයාගේ බිරිදට ලබා දෙන බව පවසමින් මෙම සැකකාර අලෙවි විධායකවරයා රුපියල් කෝටි තුනක කප්පමක් ඉල්ලා ඇතැයි වාර්තා විය.
කප්පම් මුදල වෙනුවෙන් මුල් අවස්ථාවේදි රුපියල් ලක්ෂ 60ක් ලබා දිමට එකග වී ඇති මෙම කෝටිපති ව්‍යාපාරිකයා මේ පිළිබදව කොළඹ අපරාධ කොට්ඨාසයට පැමිණිලි කිරීමෙන් පසු පරික්ෂණ ආරම්භ කර ඇති එම කොට්ඨාසය

ලබාදුන් උපදෙස් අනුව රුපියල් ලක්ෂ හැටකට අදාළ මුදල් සහිත අනුරූ බෑගයක් සකස් කර කප්පම් මුදල් ලබාදිමට සූදානම්ව ඇත.
එම අවස්ථාවේ කප්පම් ඉල්ලන අලෙවි විධායකයා කප්පම  බාරගන්නට තැන් කියමින් වරින්වර රස්තියාදු කර ඇති අතර අවසානයේ දන්වා ඇත්තේ වෙනත් කිසිවෙකුට නොව පුද්ගලික ලේකම්වරියටම දෙන ලෙසත් ඇයගෙන් තමාට ඉල්ලා ගත හැකි බවත්ය.
බත්තරමුල්ලේ පිහිටි ප්‍රධාන කාර්යාල ගොඩනැගිල්ලේදී  අදාළ කප්පම් මුදල් ලබා දෙන අවස්ථාවේදි  පෞද්ගලික ලේකම්වරිය ඉකුත් 25 වැනිදා  අත්අඩංගුවට ගනු
ලැබ තිබේ. ඇයගෙන් පසුව පොලිසිය සිදු කළ විමසීම් වලදී කප්පම් ඉල්ලූ පුද්ගලයා ගැන සියලු විස්තර හෙළිකරගත හැකිව ඇත.
වසර 15කට ආසන්න කාලයක් සැකකාර අලෙවි විධායකයා සේවය කළ මාධ්‍ය ආයතනයේ මාධ්‍යවේදිනියක ලෙස සේවය කර තිබූ තිස් පස් හැවිරිදි එක්දරු මවක වූ මෙම පුද්ගලික ලේකම්වරිය විවාහවූ පසුවත් අලෙවි විධායකයා පෙම්වතෙකු ලෙස තබාගෙන අනියම් ඇසුරක් පවත්වාගෙන ගිය තැනැත්තියකි.පසුව එම මාධ්‍ය ආයතනයෙන් ඉවත්වී පැමිණිලිකාර කෝටිපති ව්‍යාපාරිකයාගේ පෞද්ගලික ලේකම්වරිය ලෙස සේවයට බැඳී ඇත.

කාලයක් යද්දී ඇය ව්‍යාපාරිකයා සමග අනියම් ඇසුරක් ගොඩනැගීම සඳහා පෙලැඹවීම් ඇති කර තිබේ. අපිට මෙහෙදි එකතුවෙන්න බෑ වෙන තැනකට යමු යයි යෝජනා කර ඇත්තේ ඇයයි. ඇය එසේ සිදු කර ඇත්තේ ඇගේ පෙම්වතාගේ උපදෙස් පරිදිය.
සැකකාරිය පැමිණිලිකාර කෝටිපති ව්‍යාපාරිකයා සමග

ඔහුගේ සුඛෝපභෝගී මෝටර් රථයෙන් ලැගුම්හලක් වත යාම සඳහා පිටතට එන්නේ මෙම සංවාදයෙන් පසුවය.

තමා කෝටිපතියා දැලේ දාගත් බවත් දැන් එන්න යනුවෙනුත් ඇය වරින්වර පෙම්වතාට එස්එම්එස් පණිවිඩ යවා ඇත. එම අවස්ථාවේ ලැගුම් හලේදී පෙම්වතිය හා ව්‍යාපාරිකයා එකට තබා ඡායාරූප ගන්නට සැලසුමක් තිබී ඇත. කෙසේ වෙතත් වාහනය මගහැරීමේ සිදුවීමක් නිසා එය ප්‍රමාද වී ඇති අතර පෙම්වතාට ලැගුම් හළ සොයාගෙන ඒ වෙත එන්නට ප්‍රමාදවී තිබේ.  පුද්ගලික ලේකම්වරිය ව්‍යාපාරිකයා සමග කායික සබඳතා පවත්වන අතර වයාපාරිකයාගෙන් ලැගුම්හලේ නම විමසා ජංගම දුරකතනය රහසේ සඟවාගෙන නාන කාමරයට ගොස්  එස්.එම්.එස්. පණිවුඩයක් මගින් ඔවුන් සිටිනා තැන පෙම්වතාට යොමු කර තිබේ. කෙසේ වෙතත් පෙම්වතා එතැනට එනවිට ව්‍යාපාරිකයා හා පුද්ගලික ලේකම්වරිය කායික සබඳතා පවත්වා අවසන්ය.

ඇය ඔහු සමග අත්වැල් අල්ලා පිටතට එද්දීම සැකකරු ඔහුගේ මෝටර් රථයෙන් ලැගුම්හළ වෙත පැමිණ වීඩියෝ හා ඡායාරූප ලබාගෙන ඇත. පසුව සැකකරු එම වීඩියෝ දර්ශන ඔහුගේ භාර්යාවට පෙන්වන බවට ව්‍යාපාරිකයාට දුරකථන මගින් තර්ජන කර තිබේ.කප්පම් සිද්ධිය මතුවූයේ මෙම පසුබිම යටතේය.

පුද්ගලික ලේකම්වරියගේ විවාහය කඩාකප්පල්වී දරුවෙකු සමග තනිවී සිටින තැනැත්තියක වන අතර ඇය පෙම්වතාගේ කීමට මේ දේවල් කළ බව පොලිසියේදී පාපොච්චාරණය කර තිබේ. කොළඹ ටොරින්ටන් පෙදෙසේ මහල් නිවාසයක පදිංචි කටුකුරුන්ද වෙල්ලාලගේ තමාරි නිරෝෂනී නමැති ඇය මහේස්ත්‍රාත් හමුවට ඉදිරිපත් කිරීමෙන් පසු ලබන 15 වැනිදා තෙක් රක්ෂිත භාරයේ තැබීමට අධිකරණය නියෝග කර ඇත
ටික දිනක් සැඟවී සිටි මාධ්‍ය ආයතනයේ අලෙවි විධායකයා ඊයේ අත්අඩංගුවට ගත් අතර සැකකරු අද (02) කඩුවෙල මහේස්ත්‍රාත් අධිකරණය වෙත ඉදිරිපත් කිරිමට නියමිතය.

තොරතුරු - නිමන්ති රණසිංහ





----------------
නවතම පුවත් සමග එසැණින් යාවෙන්න
- ගොසිප් ලංකා ෆේස් බුක්පිටුව - මෙතැනින්
- ගොසිප් ලංකා යූටියුබ් නාලිකාව - මෙතැනින්
- ගොසිප් ලංකා ට්විටර් පිටුව - මෙතැනින්









Gossip Lanka Previous News

තවත් පුවත්

gossip lanka, gossiplankanews.com, gossiplanka, gosiplanka, gossiplankanews, gossiplanka.lk, gossiplanka.com,hiru,hirugossip,neth,neth gossip, sinhala, hot, sri lanka, wedding, rumours,facebook,lankanews, dehiwala, moratuwa, colombo, rajagiriya, kandy, galle, kurunegala, nugegoda, negombo, matara, anuradhapura,kalutara, gampaha, jaffna

Gossip Lanka Side News

Like Us on Facebook

Advertisement

Latest Picture Collections

Gossip Lanka Stats