ඇමරිකානු ජාතිකයින් හා ඇෆ්ගන් ජාතිකයින් සම්බන්ධිත මෙම ජාවාරම මින් ඉහත දෙහිවලදී අල්ලාගත් මහා පරිමාණ කුඩු තොගය ඇල්ලූ ආකාරයටම මුලින් හමුවූ කුඩු තොගයක හෝඩුවාවක් ඔස්සේ
අල්ලාගැනීමට හැකිවීම විශේෂිතය. මෙම මෙහෙයුමේදී 5 දෙනෙකු හසුවූ අතර ඔවුන් සතුවූ මත්කුඩු ප්‍රමාණය කිලෝග්‍රෑම් 97 කි. අත්අඩංගුවට ගත් පස්දෙනා අතර අවුරුදු 29 හා 43 වයස්වල ඇමෙරිකානු ජාතිකයන් දෙදෙනකුද 45 හැවිරිදි ඇෆ්ගනිස්ථාන ජාතිකයකු හික්කඩුව ප්‍රදේශයේ හෝටල් හිමි 41 හැවිරිදි ව්‍යාපාරිකයකු සහ ඔහුගේ 39 හැවිරිදි සහායකයා ද වන බව ජ්‍යෙෂ්ඨ පොලිස් නිලධාරියෙක් පැවැසීය.
හික්කඩුවේ හෝටල් ව්‍යාපාරිකයා නිතර නිතර කොළඹට පැමිණ මත්කුඩු රැගෙන යන බවට විශේෂ කාර්ය බලකායේ බුද්ධි අංශ පොලිස් පරීක්ෂකවරයකු වෙත ලැබුණු තොරතුරු අනුව පොලිස්
මත්ද්‍රව්‍ය නාශක කාර්යාංශය සමග එක්ව ඔහු සම්බන්ධයෙන් දීර්ඝ වශයෙන් පරික්ෂණ ආරම්භ කර තිබිණි.
එම පරීක්ෂණ අනුව හික්කඩුවේ එම කෝටිපති ව්‍යාපාරිකයා ඔහුගේ සගයා සමග මත්කුඩු රැගෙන ඒම සඳහා කොල්ලුපිටියේ සුපිරි වෙළෙඳසැලක් වෙත පැමිණෙන බවට ලැබුණු තොරතුරක් මත ඊයේ පෙරවරු 10.40 ට පමණ විශේෂ කාරය බලකායේ බුද්ධි නිලධාරින් හා පොලිස් මන්ද්‍රව්‍ය නාශක කාර්යාංශයේ නිලධාරීන් කණ්ඩායමක්
සැකකාර ව්‍යාපාරිකයා හා ඔහුගේ ගෝලයා ඊයේ එම සාප්පු සංකීර්ණයට පැමිණ ඇති අතර පෙරවරු 11.00 පමණ ඔවුන් රැඳී සිටි ස්ථානයට පැමිණි ඇමැරිකානු ජාතිකයකු ව්‍යාපාරිකයාට කිසියම් පාර්සලයක් ලබා දී ඇත. ඒ අනුව ක්‍රියාත්මක වූ නිලධාරීන් ඒ අවස්ථාවේදීම සැකකරුවන් තිදෙනා අත්අඩංගුවට ගෙන ඇති අතර විදේශිකයා ලබා දුන්නේ
හෙරොයින් පාසලයක් බවට හෙළි කරගත් බවත් විදේශිකයා තවදුරටත් පරික්ෂා කිරිමේ දී ඔහුගේ කලිසම් සාක්කුවේ කොල්ලුපිටිය ගාලුපාරේ ගාලුමුවදොර ආසන්නයේ පිහිටි සුපිරි නිවාස සංකීර්ණයක නිවසක යතුරක් සොයාගත් බවද විශේෂ කාර්ය බලකායේ උසස් නිලධාරියෙක් පැවසීය.
ඒ අනුව ක්‍රියාත්මක වූ නිලධාරීන් එම සැකකරු එම නිවාස සංකිරණය වෙත රැගෙන විත් එහි ආරක්ෂක නිලධාරීන්ගෙන් කළ විමසීමේ දී එම නිවාස සංකීර්ණයේ පළමු මහලේ අංක 4 දරණ නිවසේ ඔවුන් පදිංචිව සිටින බවට තොරතුරු හෙළි කරගත් බවද එම උසස් නිලධාරියා කීය.
නිලධාරීන් කණ්ඩායම එම නිවසට ගොස් පරික්ෂා කිරිමේ දී එහි කාමර දෙකක විශාල ගමන් මලු දෙකක කිලෝ එක බැගින් අසුරා තිබූ තවත් හොරොයින් කිලෝ 96ක ප්‍රමාණයක් අත්අඩංගුවට ගෙන ඇත.
එම හොරොයින් තොගය සමග එම නිවසේ සිටි තවත් ඇමෙරිකානු ජාතිකයකු හා ඇල්ගනිස්ථාන ජාතිකයකු ද අත්අඩංගුවට ගෙන තිබේ.
මෙලෙස අත්අඩංගුවට ගෙන ඇති මෙරට පුද්ගලයන් දෙදෙනා වන්නේ හික්කඩුව තිරාණගම පදිංචි යූ.ඩී. ඉන්ද්‍රජිත් පත්මකුමාර (41), හික්කඩුව ගොඩගමත්ත, මිල්ල ප්‍රදේශයේ පදිංචි කේ. වමින්ද දිමුතු අමරසිංහ (39) දෙදෙනා බව පොලිස් මාධ්‍ය ප්‍රකාශක පොලිස් අධිකාරි රුවන් ගුණසේකර මහතා කියා සිටියේය. මෙම මෙම සැකකරුවන් සතුව තිබූ ජංගම දුරකතන 9ක්, අයිපෑඩ් එකක් සහ
මත්කුඩු සමග මෙරටදී ඇමරිකානු ජාතිකයන් අත්අඩංගුවට පත් වූයේ 1995 වසරින් පසුව බවත්, ඇෆ්ගනිස්ථාන ජාතිකයෙක් අත්අඩංගුවට පත්වූයේ 2008 වසරින් පසුව බවත් රුවන් ගුණසේකර මහතා කියා සිටියේය.
ඉකුත් වසරේදී හෙරොයින් සමග විදේශිකයන් 42ක් අත්අඩංගුවට
ගෙන ඇති බවද පොලිස් මාධ්‍ය ප්‍රකාශකවරයා වැඩිදුරටත් පැවසීය. මේ පස් දෙනාගෙන් තිදෙනකු කොල්ලුපිටියේ සුපිරි වෙළෙඳසැලකදීත් ඉතිරි දෙදෙනා කොල්ලුපිටියේ ගාලුමුවදොර ආසන්නයේ පිහිටි සුපිරි නිවාස සංකීර්ණයකදීත් අත්අඩංගුවට ගත් බවද ඔහු කීය.
මෙම සැකකරුවන් මසකට රුපියල් ලක්ෂ 2 1/2 ක කුලියකට මෙම නිවස ලබාගෙන ඇත්තේ ඉකුත් දෙසැම්බර් 21 වැනිදා බවත්
ජනවාරි මස 21 වැනි දිනෙන් මසක කාලය සම්පූර්ණ වූ පසු තවත් මසක කාලයක් සඳහා මොවුන් මුදල් ගෙවා කාලය දික්කරන්ගෙන ඇති බවත් පොලිසිය පවසයි.
පිරිස මෙම මන්ද්‍රව්‍ය ජාවාරම කාලයක පටන් සිදුකරගෙන ගොස් ඇති බවත් විදේශිකයන් සංචාරක වීසා මගින් මෙරටට පැමිණ සුපිරි නිවාස කුලියට ගෙන මන්ද්‍රව්‍ය ජාවාරම්වල යෙදෙන බවත්
පොලීසිය කියයි.
විදේශිකයන් දෙදෙනා වරින්වර ලංකාවට පැමිණ ඇති බවද පොලිස් ආරංචි මාර්ග පවසයි. මෙම මන්ද්‍රව්‍ය මොවුන්ට ලැබුණේ කෙසේ ද යන්න ත්තෙළි කර ගැනීමට සැකකරුවන්ගෙන් වැඩිදුර ප්‍රශ්න කිරීමට ඔවුන් පොලිස් මත්ද්‍රව්‍ය නාශක කාර්යාංශය වෙත බාර දී තිබුණි.
පොලිස් විශේෂ කාර්ය බලකායේ අණදෙන නිලධාරි ජ්‍යෙෂ්ඨ නියෝජ්‍ය පොලිස්පති එම්.ආර්. ලතීෆ් මහතාගේ අධීක්ෂණ යටතේ, පොලිස් මන්ද්‍රව්‍ය නාශක කාර්යංශයේ අධ්‍යක්ෂ ජ්‍යෙෂ්ඨ පොලිස් අධිකාරි තිලක් ධනපාල මහතාගේ මෙහෙයවීමෙන් සිද්ධිය සම්බන්ධයෙන් වැඩිදුරටත් පරීක්ෂණ පැවැත්වේ.
