පසුගියදා රටේ අවධානය දිනාගනිමින් පිදුරංගල පුදබිමේදී අසභ්‍ය ආකාරයේ ඡායාරූප ලබාගෙන මුහුණු
පොතට එක්කළ තරුණයින් සම්බන්ධයෙන්
විශේෂ පරීක්ෂණයක් කරන්නැයි එම විහාරාධිපති හිමියන් කළ ඉල්ලීම සැලකිල්ලට ගනිමින් මේ වනවිට අගමැති නියමයෙන් විශේෂ පොලිස් පරීක්ෂණයක් අරඹා තිබේ.
1983 අංක 22 දරන අසභ්‍ය ප්‍රකාශ වැළැක්වීමේ විධිවිධාන පනත යටතේ මෙම සැකකරුවන්ට එරෙහිව දඩුවම් ලබාදිය හැකි බව පොලිසිය දන්වා ඇත.
කෙසේ වෙතත් මේ වනවිට වාර්තාවන්නේ සිද්ධියට සම්බන්ධ බවට ප්‍රචාරයවූ ෆේස් බුක් ප්‍රොෆයිල් කිහිපයක්ම මේ වනවිට ඒ අය මකා දමා ඇති බවයි.
කුරුණෑගල මායිමට යාබද මාතලේ ගලේවෙල ප්‍රදේශයේ පදිංචි තරුණයන් දෙදෙනෙකු සහ කුරුණෑගල නාගරික ප්‍රදේශයේ තරුණයන් පස්දෙනෙකු මෙම කණ්ඩායමට අයත්ව සිටින බව සීගිරිය පොලිසිය අනාවරණය කර තිබේ.
මෙම තරුණයන් හඳුනාගැනීමට මුහුණු පොතේ කණ්ඩායම් පොලිසියට සහයෝගය දක්වා ඇති අතර දෙදෙනෙකු අත්අඩංගුවට ගැනීමට පොලිසිය අද (26) කටයුතු කරනු ඇතැයි වාර්තාවේ.
