දොම්පේ දිසා රෝහල සඳහා මෙය ප්‍රථම වරට හඳුන්වා දීම සිදුවූ අතර, අදියර කිහිපයක් ඔස්සේ දිවයිනේ සියලුම රජයේ රෝහල්වල මෙම ව්‍යාපෘතිය ක්‍රියාත්මක කිරීමට නියමිතව ඇත.
ශ්‍රී ලංකා තොරතුරු හා සන්නිවේදන තාක්ෂණ නියෝජිතායතනය (ICTA) මගින් ක්‍රියාත්මක
මෙම ඉ-චැනලින් සේවාව නිසා බාහිර ප්‍රතිකාර අංශය සඳහා පැමිණෙන රෝගීන්ට කලින් වේලාවක් වෙන්කරවා ගැනීමෙන් අනතුරුව වෛද්‍යවරයා හමුවට පැමිණිය හැකිය.
එහිදී, 071-5225225 දුරකථන අංකයට ඇමතීමෙන් හෝ www.echannelling.com වෙබ් අඩවියට පිවිසීමෙන් හෝ ඉ-චැනලින් ඇප් එක තම ජංගම දුරකථනයේ ස්ථාපනය කර ගැනීමෙන් මෙම පහසුකම ලබාගත හැකි බව ශ්‍රී ලංකා තොරතුරු හා සන්නිවේදන තාක්ෂණ නියෝජිතායතනය (ICTA) පවසයි.
මෙහිදී චැනලින් සේවාවට අදාළ එම සමාගම අයකරන ගාස්තු ගෙවිය යුතු අතර රෝහල් හා වෛද්‍ය ගාස්තු නොමිලේ හිමිවනු ඇත.
